تیرۆرکردنی (دەنیز هێڤى) شەرمەزار دەکەین

أيلول/سبتمبر 19, 2023

جەماوەرى وڵاتپارێزى کوردستان .... 

 - کەس و کارو بنەماڵەى شەهیدانى کوردستان ...

 بە داخ و پەژارەیەکى زۆرەوە پاش نیوەڕۆی ئەمڕۆ دووشەممە، رێکەوتى 18ی ئەیلولی 2023 ، (دەنیز جەودەت هێڤى) ئەندامی کۆنگرەی نەتەوەیی کوردستان لە نووسینگەی فەرمی KNK لە شاری هەولێر تیرۆرکرا.

 ئێمە لە یەکێتى نەتەوەیى دیموکراتى کوردستان YNDK ئەم کردەوە  تیرۆریستییە نامرۆڤانەیە بە توندی شەرمەزار دەکەین، بێگومان ئەم کردەوە تیرۆریستییە بەتەنها تاوان و دەستدرێژی نییە بۆ سەر گیانی چالاکوانێکى سڤیل، بەڵکو دەستدرێژیە بۆ سەر هێمنى و ئارامى و ئاسایشی هەرێمی کوردستان و هەوڵێکە بۆ ئاڵۆزکردنى کارى سیاسیى لە کوردستان، داوا لە حکومەت و لایەنە پەیوەندیدارەکان دەکەین بە زووترین کات تاوانباری ئەم تاوانە تیرۆرستییە بدۆزنەوە و رووبەڕووى یاساى بکەنەوە، هەروەها داوا دەکەین کەوا پارێزگارى لە هاوڵاتیانى سڤیل و چالاکوان و ئازادیخوازی پارچەکانی کوردستان بکرێت.

 - نەمرى و سەربەرزى بۆ شەهید دەنیز جەودەت هێڤى و تەواوى شەهیدانى رێى سەرخۆبوون و ئازادى کوردستان.

 - مردن و رووڕەشى بۆ تیرۆریستان و داگیرکەران و دوژمنانی کوردستان.

 

 

مەکتەبی سیاسیی

یەکێتى نەتەوەیى دیموکراتى کوردستان YNDK

18ی ئەیلولی 2023