نيسان/أبريل 16, 2026
پەیامى پیرۆزبایى بەڕێز جەماڵ پوورکەریم سەرۆکى سەرۆکی بزوتنەوەی سەربەخۆییخوازانی کوردستان بەبۆنەى (٢٨)ەمین ساڵیادى دامەزراندنی یەکێتی نەتەوەیی دیموکراتی کوردستان YNDK
آذار/مارس 24, 2023
بەڕێز : کاک غەفوور مەخمووری سکرتێری گشتی
هەڤاڵانی مەکتەبی سیاسی ،سەرکردایەتی، ئەندامان و لایەنگرانی یهكێتی نهتهوهیی دیموكراتی كوردستان
سڵاوێکی گەرم و شۆڕشگێڕانەتان پێشکەش بێ.
بە بۆنەی ٢٨ەمین ساڵیادى دامەزراندنی یهكێتی نهتهوهیی دیموكراتی كوردستان و هەروەها جەژنی نەتەوەیی نەورۆز، گەرمترین پیرۆزباییتان ئاراستە دەکەین و هیوامان سەرکەوتنی زیاتر و بەردەوامیتان لە خەبات و تێکۆشانە لەپێناو سەرکەوتن و پێشڤەچوونی زیاتری گوتار و وێژمانی سەربەخۆییخوازی و لە ئەنجامدا دەستەبەربوون و بنیاتنانی دەوڵەتی سەربەخۆی کوردستان.
هاوڕێیان و تێکۆشەرانی ڕێبازی بیری سەربەخۆیی و کوردایەتی:
تێپەڕ بوونی ٢٨ ساڵ بە سەر تەمەنی یهكێتی نهتهوهیی دیموكراتی كوردستان و بەردەوامیی بێوچان لە خەبات و تێکۆشان، ئەم حیزبەی کردووە بە هێزێکی خاوەن ئیرادە و ئەزموون.
جارێکی دیکە وێڕای پیرۆزبایی و ئاواتی سەرکەوتنی زیاتر، هیوادارین ساڵی نوێی خەبات و قۆناغی سەردەمیانەی تێکۆشانی YNDK ببێتە هەوێنی یەکڕیزی و یەکگرتوویی ناو ماڵی کورد لە هەر چوار پارچەی نیشتمان.
بەرز و پیرۆز بێ یادی ٢٨ ساڵەی دامەزرانی یهكێتی نهتهوهیی دیموكراتی كوردستان
سەردەکەوێ خەباتی سەربەخۆییخوازانەی کوردستان.
جەماڵ پوورکەریم
سەرۆکی بزوتنەوەی سەربەخۆییخوازانی کوردستان
٢ی خاکەلێوەی ٢٧٢٣ی کوردی
٢٢ی مارسی ٢٠٢٣ی زایینی