ئەمڕۆ جەژنی ڕۆژووی ئێزدییەکانە، ئەم جەژنە دوای سێ ڕۆژ ڕۆژوو گرتنە و خوانی تایبەت بەخۆیان هەیە و سەردانی یەکتر دەکەن، هەربۆیە ئێزدییەکانی دهۆک'یش ئەمڕۆ ئەو جەژنەیان پیرۆزکرد.

وەک نەریتێکی ئاینی و کلتوری ئێزدییەکان، لە بەیانی جەژندا خواردنی ترشک "کفتە" دروست دەکەن و خزم و کەس و دۆست سەردانی یەکتر دەکەن.

لە هەموو داوا و نزاکانیاندا، ئێزدییەکان دوو داواکاری سەرەکییان هەیە، یەکەم ڕزگارکردنی ئەو کچ و ژنانەی لەژێر دەستی چەتەکانی داعشدا ماون، دووەم گەڕانەوەیان بۆ شەنگال و گەیاندی خزمەت گوزاری بە سنوورەکەیان، چونکە وەک خۆیان دەڵێن گوزرانیان لە کامپەکاندا خراپه.

ئێزدییەکان حەوت جەژنی سەرەکییان هەیە، ئەم جەژنەش بە یەکێک لە گەورەترین و پیرۆزترین جەژنەکانیان دادەنێن.