شاندێکی هەرێمی قەرەچووغی YNDK سەردانی ناوچەی مەخمووری PDK دەکات

تشرين1/أكتوير 06, 2021
میدیا-مه‌خموور
رۆژی چوارشه‌ممه‌ رێکەوتی 6 / 10 / 2021 شاندێکی هەرێمی قەرەچووغ کە پێکهاتبوون لە (خەلیل پاڵانی) ئەندامی سەرکردایەتی و بەرپرسی هەرێم و کارزان پیران کارگێڕی هەرێم و هەڤاڵان حیدر سلیمان و سەمەد خدر و کرێکار عبداللە و پەروەرپاڵانی، بەمەبەستی بەخێرهاتنەوەیان سەردانی ناوچەی مەخمووری پارتی دیموکراتی کوردستانیان کردو ، لەلایەن بەڕێزان (کرمانج عبداللە) بەرپرسی لقی 23 ی پارتی دیموکراتی کوردستان و (دیار عوسمان) بەرپرسی پەیوەندییەکانی لق و مامۆستا (عبداللە تاهیر) بەرپرسی ناوچەی مەخموور بەگەرمی پێشوازی کران .
لەکۆبوونەوەکەدا شاندی هەرێم بەخێرهاتنەوەیان لەناوچەی مەخموور کردو هیوای سەرکەوتنیان بۆ خواستن .
هەروەها گفتوگۆ لەبارەی رەوشی مەخموورو دەوروبەری کراو تیشک خرایە سەر پێویستی و هەستیاری بارودۆخی ناوچەکە، کە لەهەموان دەخوازێت یەکریزو یەکدەنگ بین لەسەر مەسەلە چارەنووسسازە نەتەوەیی و نیشتمانییەکان و هەوڵەکان بۆ زیاتر خزمەتکردنی مەخموورو دەوروبەری چڕتر بکرێتەوەو جەخت کرایەوە سەر پتەوترکردنی پەیوەندی برایانەی هەردولا بۆ زیاترخزمەتکردن بە دەڤەری مەخموور لەهەمووروویەکەوە .
لەدواییدا چەند پەرتووکێکی هەڤاڵ غەفوور مەخمووری سکرتێری گشتی یەکێتی نەتەوەیی دیموکراتی کوردستان بەدیاری پێشکەش بەشاندی لقی 23 کرا .