میدیا _ هەولێر :

پێشنیوەڕۆی ئەمڕۆ 13 / 9 / 2025، سكرتێری گشتیی YNDK سەردانی سەرۆکى TNKS كردو، سەبارەت بە رەوشى سیاسیى کوردستان و پەیوەندى نێوان هەردوولا گفتوگۆیانکرد.

پێشنیوەڕۆی ئەمڕۆ شەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK، سەردانی بەڕێز د. رزگار قاسم سەرۆکى تەڤگەرى نوژەنى کوردستان - سوریا-ى كرد و بەگەرمی لەلایەن بەڕیزیانەوە پێشوازی كران، لەدیدارەكەدا باس لە رەوشی سیاسی باشوورو رۆژئاوای كوردستان و دواپێشڤەچوون و پێشهات و گۆڕانكارییەكانی ناوچەكەو زیاتر لێكنزیكبوونەوەی لایەنە سیاسییەكانی كوردستان كراو، یەكێتی و یەكدەنگی كوردان لەو گۆڕانكارییانەدا بەفاكتەری سەرەكی سه‌ركه‌وتنى گەلی كوردستان وەسفكرا، هەر لەدیدارەكەدا سەرۆکى تەڤگەرى نوژەنى کوردستان _ سوریا سوپاس و پێزانینی خۆیانى بە سكرتێری گشتی و سەركردایەتیی YNDK راگەیاند بەرامبەر هەڵوێستە نەتەوەیی و نیشتمانییەكانی YNDK سەبارەت بە پرسە نەتەوەییەكان، سكرتێری گشتیی YNDK لەلای خۆیەوە جەختیكردەوە سەر یەكدەنگی و یەكڕیزی لایەنە سیاسییەکانى کوردستان و گوتی لەسەر هەموو لایەكمانە هاوكارو پشتەڤانی یەکدى بین و رەچاوى بەرژەوەندى نەتەوەیى و نیشتمانى بکەین..

لەدوا تەوەری دیدارەكەشدا، جەختكرایەوە سەر پتەوكردنی پەیوەندی برایانەی نێوان هەردوولا لەپێناو زیاتر خزمەتكردن و پێشڤەبردنی دۆزی رەوای گەلی كوردستان.