میدیا - هەولێر :

ئێوارەى ئەمڕۆ دووشەممە 12 / 02 / 2024 ، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK ، لە پەیوەندییەکی تەلەفۆنیدا لەگەڵ سينەماکارى ناسراوى کوردستان بەڕیز (عەدنان عوسمان شاناز)، لە هەواڵى تەندروستى بەڕێزیانى پرسییەوە، کەوا لە کاتى کارکردندا قاچى شکاوەو نەشتەرگەرى بۆ ئەنجامدراوە.

سكرتێری گشتیی YNDK لە پەیوەندییە تەلەفۆنییەکەیدا، هیواى زووچاکبوونەوەو تەندروستییەکى باشى بۆ بەڕێزیان خواست، لەلایەن خۆیەوە بەڕێز (عەدنان عوسمان شاناز) خۆشحاڵى خۆى بۆ ئەو پەیوەندى و بەسەرکردنەوەیەى سکرتێرى گشتیى YNDK دەربڕى و سوپاسى کردن.