میدیا - هەولێر:

 پێشنیوەڕۆی ئەمڕۆ ٢١ / ٩ / ٢٠٢٣، سكرتێری گشتیی YNDK سەردانی بارەگای یەکێتى زانایانى ئاینى ئیسلامى کوردستان-ی لە شارى هەولێر كردو، 53 پەنجاو سێیەمین ساڵیادی دامەزراندنی یەکیتییەکەى پیرۆزکرد و، وێڕای پیرۆزبایی هیوای سەركەوتن و پێشڤەچوونی زیاتری خواستن.

 پێشنیوەڕۆی ئەمڕۆ پێنجشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بەیاوەری هەڤاڵان (د. عەبدوڵڵا عەدۆ و قەهار مەخموورى ئەندامانى مەکتەبى سیاسى و شاکر هاشم ئەندامی کۆمیتەى سەرکردایەتى و بەرپرسى هەرێمى هەولێر و جەلال سمایل کارگێڕى مەکتەبى ناوەندى پەیوەندییەکانى YNDK)، سەردانی بارەگای مەكتەبی تەنفیزى یەکێتى زانایانى ئاینى ئیسلامى کوردستان-یان لە شاری هەولێر كردو، بەگەرمی لەلایەن بەڕێزان (مامۆستا د. عەبدوڵڵا مەلا سەعید مەلا وەیسى سەرۆکى یەکێتى زانایانى ئاینى ئیسلامى کوردستان و مامۆستا مەلا جەلال خەیلانى جێگرى سەرۆک و ئەندامانی مەكتەبی تەنفیزى و پیاوانى ئاینى) پێشوازی كران، لە سەردانەكەدا سكرتێری گشتیی YNDK بەبۆنەی 53 پەنجاو سێیەمین ساڵیادی دامەزراندنی یەکێتى زانایانى ئاینى ئیسلامى کوردستان پیرۆزبایی خۆی و سەركردایەتی YNDK ی پێڕاگەیاندن و هیوای سەركەوتن و پێشڤەچوونی زیاتری بۆ خواستن، هەروەها داواى کرد کەوا وەکو زانایان و پیاوانى ئاینى زیاتر رۆڵ ببینن لە قوڵکردنەوەى هەستى نەتەوەیى و نیشتمانى و، وەستانەوە لەبەرامبەر هزرى توندڕۆیى و تەکفیرى، لەبەرامبەردا سەرۆکى یەکێتى زانایانى ئاینى ئیسلامى کوردستان بەناوی خۆی و یەکێتى زانایانى ئاینى ئیسلامى کوردستان سوپاسی ئەو سەردانە و هەڵوێستەكانی سكرتێری گشتی و سەركردایەتی YNDK ی كرد بەرامبەر بە پرسە نەتەوەیى و نیشتمانییەکان، هەروەها جەختیكردەوە سەر پتەوكردن و پێشخستنی پەیوەندییەكانی نێوان YNDK و یەکێتى زانایانى ئاینى ئیسلامى کوردستان لەپێناو زیاتر خزمەتكردنی دۆزی رەوای گەلی كوردستان.