پەیامی هاوخەمی غەفوور مەخمووری سکرتێری گشتیی YNDK بۆ كۆچی دوایی کەسایەتیى ناسراو (ئەدهەم ئیسماعیل دەروێش سارمەمى)

أيلول/سبتمبر 19, 2023
بەڕێزان بنەماڵەی خوالێخۆشبوو (ئەدهەم ئیسماعیل دەروێش سارمەمى)
سڵاوێکی گەرم ...
بەخەم و پەژارەیەكی زۆرەوە هەواڵی كۆچی دوایی کەسایەتیى چاکەخوازو ناسراوی شارى هەولێر و عەشیرەتى سارمەمى کاک (ئەدهەم ئیسماعیل دەروێش سارمەمى)مان پێگەیشت، کەوا بەرەبەیانى ئەمڕۆ بەهۆى نەخۆشى لە عەمانى پایتەختى ئوردەن کۆچى دوایى کرد، خوالێخۆشبوو رۆڵێکی بەرچاوی لە بوارى کۆمەڵایەتى و کارى چاکەخوازى و ئاشتەوایى کۆمەڵایەتى هەبوو، لە بواری چارەسەرکردنى کێشە کۆمەڵایەتییەکان خزمەتێکی زۆری بە کۆمەڵگەى کوردستان کرد، لەدەستدانی کاک (ئەدهەم ئیسماعیل دەروێش سارمەمى) زیانێكی گەورەیە بۆ هەموو لایەکمان.
بەناوی خۆمان و ئەندامانی مەکتەبی سیاسی و کۆمیتەی سەرکردایەتیی یەکێتی نەتەوەیی دیموکراتی کوردستان YNDK پرسە و سەرەخۆشیی لە خۆمان و لە ئێوەی بەڕێزو تەواوی خزمانى عەشیرەتى سارمەمى و كەسوكاری خوالێخۆشبوو دەكەین و خۆمان بە هاوبەشی خەمتان دەزانین و، لە یەزدانی مەزن داواكارین خوالێخۆشبوو بخاتە بەر رەحمەت و دلۆڤانی خۆی و دڵنەوایی و ئارامی بە هەموو لایەك ببەخشێت.
براتان
غەفوور مەخمووری
سکرتێری گشتیی
یەکێتی نەتەوەیی دیموکراتی کوردستان YNDK
19 / 9 ‌/ 2023 پاریس
 
 
 
 
 
بەدڵبوون
 
 
 
سەرنج
 
 
ناردن