سكرتێری گشتیی YNDK سەردانى بەڕێز حاجى محەممەد ئاغا گەردى و خزمانى گەردى دەکات

میدیا - جێژنیکان:

 

 ئێوارەى ڕۆژى 7 / 5 / 2023، سكرتێری گشتیی YNDK بەمەبەستى هەواڵپرسین و بەسەرکردنەوە سەردانی کەسایەتیى ناسراوى بەڕانەتى بەڕێز حاجى محەممەد ئاغا گەردى-ى کرد،  کەوا ماوەیەکە رەوشى تەندروستى باش نییە، هیواى زووچاکبوونەوەو تەندروستییەکى باشى بۆ خواستن.

 ئێوارەى ڕۆژى یەکشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بە یاوەرى هەڤاڵان (د. شاخەوان خالید کارگێڕى مەکتەبى سیاسى و قەهار تاهیر سەعید ئەندامى مەکتەبى سیاسى و شاکر هاشم ئەندامى کۆمیتەى سەرکردایەتى و فاخیر نانەکەلى و جەلال سمایل کارگێڕانى مەکتەبى ناوەندی پەیوەندییەکان و ئەرسەلان کاروانى ئەندامى ناوەندی پەیوەندییەکان و سەردار خدر سارمەمى کارگێڕى مەکتەبى ناوەندی بەڕێوەبردن و دارایى و ژمارەیەک لە کادیرانى YNDK)، بەمەبەستى هەواڵپرسین و بەسەرکردنەوە لە گوندى جێژنیکان سەردانی دیوەخانى کەسایەتیى ناسراوى بەڕانەتى بەڕێز (حاجى محەممەد ئاغاى گەردی)یان کرد و، بەگەرمی لەلایەن بەڕێزیان و کوڕانى بەڕێزیان و خزمانى گەردی-یەوە پێشوازی كران، لەسەردانەكەدا سكرتێری گشتیی YNDK هیواى ساخى و سەلامەتى و زووچاکبوونەوەو تەندروستییەکى باشى بۆ خواستن، لەبەرامبەردا بەڕێز (حاجى محەممەد ئاغا گەردى) وێڕاى دەربڕینى خۆشحاڵى سوپاسی ئەو سەردان و بەسەرکردنەوەیەى سکرتێرى گشتیى YNDK ی كرد.

 شایانى باسە سکرتێرى گشتیى YNDK و شاندى یاوەرى هەر ئەمڕۆ لە بەڕانەتى و لە گوندى جێژنیکان بەمەبەستى هەواڵپرسین و بەسەرکردنەوە سەردانى دیوەخانى بەڕێز (سەفین ئاغاى گەردى) و دیوەخانى بەڕێز (حاجى زەیتۆ ئاغاى گەردى)-یان کردو بەگەرمى لەلایەن بەڕێزان و بنەماڵەکانیان و خزمانى گەردى پێشوازى کران، بەڕێزان وێڕاى دەربڕینى خۆشحاڵى سوپاسی ئەو سەردان و بەسەرکردنەوەیەى سکرتێرى گشتیى YNDK یان كرد.

هەروەها هەر ئەمڕۆ سکرتێرى گشتیى YNDK و شاندى یاوەرى لە شارى هەولێر ئامادەى پرسەى خوالێخۆشبوو (شەمسەددین رواندوزى) بوون و پرسەو سەرەخۆشى خۆیان بە بنەماڵەى خوالێخۆشبوو راگەیاند.