شاندێكی پارتى دیموکراتى گەلانHDP سه‌ردانی YNDK دەكات

حزيران/يونيو 14, 2022

میدیا-هه‌ولێر

شاندێكی پارتى دیموکراتى گەلانHDP‌  سه‌ردانی YNDK دەكات، لەدیدارەكەدا شاندی HDPبه‌شێوه‌یه‌كی فه‌رمی داوه‌تنامه‌ی ئاماده‌بوون له‌ پێنجه‌م كۆنگره‌ی هه‌ده‌په‌ پێشكه‌ش به‌YNDK  كرد.

رۆژی سێشه‌ممه‌ رێكه‌وتی 14-6-2022 شاندێكی نوێنه‌رایه‌تی هه‌ولێری پارتى دیموکراتى گەلانHDP كه ‌پێكهاتبوو له‌(هه‌ڤاڵ حكمت هاتب و هه‌ڤاڵ كه‌ره‌م)، سه‌ردانی مه‌كته‌بی سیاسی یەكێتی نەتەوەیی دیموكراتی كوردستان YNDK یان كرد، پێشوازیكران له‌لایه‌ن‌ هه‌ڤاڵان ( د. شاخەوان خالید کارگێڕى مه‌كته‌بی سیاسی و فاخر نانه‌كه‌لی و جه‌لال سمایل كارگێڕانی مه‌كته‌بی ناوه‌ندی په‌یوه‌ندییه‌كان )، له‌دیداره‌كه‌دا شاندی HDP به‌شێوه‌یه‌كی فه‌رمی داوه‌تنامه‌ی ئاماده‌بوون له‌ پێنجه‌م كۆنگره‌ی هه‌ده‌په‌ پێشكه‌ش به‌YNDK كرد و له‌ له‌به‌رامبه‌ردا شاندی YNDK سوپاسی داوه‌تنامه‌كه‌ی هه‌ده‌په‌یان كرد و هه‌روه‌ها باس لە رەوشی سیاسی كوردستان و دوا پێشهات و گۆڕانكارییەكانی ناوچەكە و جەختكرایەوە سەر یەكڕیزی و یەكدەنگی كوردان بۆ پاراستن و به‌دەستهێنانی مافەكانی گەلی كوردستان.

لەدوا تەوەری دیدارەكەشدا باس لە پتەوكردن و پێشڤەبردنی پەیوەندی برایانەی نێوان هەردوولا لەپێناو زیاتر خزمەتكردنی دۆزی رەوای گەله‌كه‌مان كرا.