بەڕێزان بنەماڵەى تێکۆشەرى ناسراوى کوردستان خوالێخۆشبوو خارە (سەید کاکە)

 سڵاوێكی گەرم ....

 بەخەم و پەژارەیەكی زۆرەوە هەواڵی كۆچی دوایی پێشمەرگەو تێکۆشەرو کەسایەتیى وڵاتپارێزو ناسراوى کوردستان خارە (سەید کاکە)مان پێگەیشت، ئەم هەواڵە هەموو لایەکمانى دڵتەنگ و خەمبار کرد، خارە (سەید کاکە)؛ پێشمەرگە و فەرماندەو سەرکردەیەکى ئازاو بەوەفاو وڵاتپارێزى بزاڤى رزگاریخوازى نیشتمانیى کوردستان بوو، لە شۆڕش و خەبات و تێکۆشانى گەلى کوردستاندا رۆڵێکى کاراى هەبوو و، هەموو تەمەنى خۆى لە خەبات و تێکۆشان و بەرخودان لەپێناو وەدەستهێنانى مافە رەواکانى گەلى کوردستان بەسەربرد، لەدەستدانى تێکۆشەرێکى وەک خارە (سەید کاکە) زیانێکى مەزنە بۆ سەرجەم بزاڤى رزگاریخوازى نیشتمانیى کوردستان.

 بەناوی خۆمان و ئەندامانی مەكتەبی سیاسی و كۆمیتەی سەركردایەتی و تەواوی ئەندامانی یەكێتی نەتەوەیی دیموكراتی كوردستان YNDK پرسەو سەرەخۆشی گەرمی خۆمان ئاراستەی ئێوەى بەڕێزو تەواوى بنەماڵە سەربەرزەکەتان و خزمانى خوالێخۆشبوو دەكەین و خۆمان بە هاوخەمتان دەزانین و، ئومێد دەكەین ئەوە دواناخۆشیتان بێت و، لە یەزدانی مەزن دەپاڕێینەوە دڵنەوایی و ئارامی بە هەموو لایەك ببەخشێت و خوالێخۆشبوویش بخاتە بەر رەحمەت و دلۆڤانی خۆی.

براتان

غەفوور مەخمووری

سكرتێری گشتیی

یەكێتی نەتەوەیی دیموكراتی كوردستان YNDK

24 / 08 / 2025