سكرتێری گشتیی YNDK سەرەخۆشی لە بەڕێز نوعمان عوسمان مەخموورى دەکات

أيلول/سبتمبر 10, 2023
میدیا - هەولێر :
پێشنیوەڕۆى ئەمڕۆ شەممە رێکەوتى 9 / 9 / 2023 ، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK، لە پەیوەندییەکی تەلەفۆنیدا، سەرەخۆشی لە کەسایەتیى ناسراوى شارى مەخموور بەڕێز مامۆستا (نوعمان عوسمان مەحموود مەخموورى) کرد، بەهۆى کۆچی دوایی کەسایەتى چاکەخوازى خاتوو (وەتفە عومەر ئەحمەد)ى دایکى بەڕێزیانەوە.
سكرتێری گشتیی YNDK لە پەیوەندییە تەلەفۆنییەکەیدا، پرسە و سەرەخۆشى و هاوخەمی خۆی بە بەڕێزیان و بنەماڵەکەیان راگەیاند و، هیوای خواست ئەوە دوا خەم و ناخۆشییان بێت و خوای مەزن خوالێخۆشبوو بخاتە بەر رەحمەت و دلۆڤانى خۆى و دڵنەوایى و ئارامییش بە بەڕێزیان و کەسوکارو بنەماڵەکەیان ببەخشێت، لەلایەن خۆیەوە بەڕێز (نوعمان عوسمان مەخموورى) بەناوى خۆى و بنەماڵەکەیانەوە خۆشحاڵى خۆى بۆ ئەو پەیوەندى و هاوخەمییەى سکرتێرى گشتیى YNDK دەربڕى و سوپاسى کردن.