سكرتێری گشتیی YNDK جەژنى (جەماێى) لە خوشک و برایانى ئێزدى پیرۆز دەكات

تشرين1/أكتوير 11, 2022
میدیا - لالش:
پێشنیوەڕۆی ئەمڕۆ 11 / 10 / 2022، سكرتێری گشتیی YNDK سەردانی پەرستگەى لالش-یان لە دەڤەرى شێخان كردو، بەبۆنەى جەژنى (جەماێى) پیرۆزباییان لە بەڕێزان میرو پیاوانى ئاینى و خوشک و برایانى ئێزدى کرد و، وێڕای پیرۆزبایی هیوایان خواست ئەم جەژنە جەژنى خێرو خۆشى بێت بۆ هەموو لایەک.
پێشنیوەڕۆی ئەمڕۆ سێشەممە، غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بەیاوەری هەڤاڵان (قەهار تاهیر سەعید ئەندامى مەکتەبى سیاسى و شاکر هاشم ئەندامی کۆمیتەى سەرکردایەتى و بەرپرسى هەرێمى هەولێرو ئەرسەلان کارەوانى ئەندامى مەکتەبى ناوەندى پەیوەندییەکان و ژمارەیەک لە ئەندامانى YNDK)، سەردانی پەرستگەى لالش-یان لە دەڤەرى شێخان كردو، بەگەرمی لەلایەن بەڕێزان (میر حازم تەحسین بەگ میرى ئێزدیان لە کوردستان و جیهان و وەکیل و یاریدەدەرى میرو ئەندامانى ئەنجوومەنى رۆحانى و پیاوانى ئاینى ئێزدى) پێشوازی كران، لە سەردانەكەدا سكرتێری گشتیی YNDK بەبۆنەى جەژنى (جەماێى) پیرۆزبایی خۆی و سەركردایەتیی YNDKی بە بەڕێزان میرو پیاوانى ئاینى و خوشک و برایانى ئێزدى راگەیاندو، وێڕای پیرۆزبایی هیوایان خواست ئەم جەژنە جەژنى خێرو خۆشى بێت بۆ هەموو لایەک، لەبەرامبەردا میر حازم تەحسین بەگ میرى ئێزدیان بەناوی خۆی و پیاوانى ئاینى و خوشک و برایانى ئێزدییەوە سوپاسی ئەو سەردانە و هەڵوێستەكانی سكرتێری گشتی و سەركردایەتیی YNDK ی سەبارەت بە پرسە نەتەوەیى و نیشتمانییەکان كرد.
شایانى باسە هەردوو لا جەختیانكردەوە سەر پتەوكردن و پێشخستنی پەیوەندییەكانی نێوانیان.