میدیا – هه‌ولێر

مه‌كته‌بی سیاسی یه‌كێتی نه‌ته‌وه‌یی دیموكراتی كوردستان YNDK له‌هۆڵی پێشه‌وا له ‌شاری هه‌ولێر، به‌شداری چله‌ی ماته‌مینی تێكۆشه‌ر هاوڕێ كه‌ریم ئه‌حمه‌د سكرتێری پێشووی كۆمیته‌ی ناوه‌ندی حزبی شیوعی كوردستان ده‌كات.

ئێواره‌ی رۆژی 23-8-2022 د.شاخه‌وان خالید كارگێڕی مه‌كته‌بی سیاسی YNDK به‌ ئاماده‌بوونی جێگری سه‌رۆكی په‌رله‌مان و پارێزگاری هه‌ولێر و سكرتێر و نوێنه‌ری ژماره‌یه‌ك حزب و لایه‌ن و كه‌سایه‌تی و نوێنه‌رانی لایه‌نه‌ حكومیی و كه‌سوكار و خانه‌واده‌ و هاوسه‌نگه‌ر و هاوڕێیانی، به‌شداری له‌ چله‌ی ماته‌مینی هاوڕێ كه‌ریم ئه‌حمه‌د كرد.

له‌و رێوره‌سمه‌دا كه‌ به‌ چه‌ند ساتێك وه‌ستان بۆ گیانی پاكی شه‌هیدان ده‌ستی پێكرد، وتاری به‌خێرهاتن و وتاری حزبی شیوعی كوردستان و چه‌په‌كان و پارێزگار و ژماره‌یه‌ك وتار و بروسكه‌ خوێندرانه‌وه‌، پاشان فیلمێكی دیكۆمێنتكاری له‌سه‌ر ژیانی مامۆستا كه‌ریم ئه‌حمه‌د پیشكه‌ش به‌ ئاماده‌بووان كرا.

شاندی YNDK جارێكی دیكه‌ پرسه‌ و سه‌ره‌خۆشیان له‌ حزبی شیوعی كوردستان و هاوڕێیان و بنه‌ماڵه‌ی خواڵێخۆشبوو كرده‌وه‌.