Print this page

سەرۆک مەسعود بارزانى سوپاسنامەیەک ئاراستەى سکرتێرى گشتیى YNDK دەکات

آب/أغسطس 31, 2021
میدیا - هەولێر
سەرۆک مەسعود بارزانى رێبەرى بزاڤى رزگاریخوازى نیشتمانى کوردستان ، لە وەڵامى پەیامى پیرۆزبایى سکرتێرى گشتیى YNDK بەبۆنەى ١٦ ى ئاب ساڵڕۆژى دامەزراندنى پارتى دیموکراتى کوردستان بۆ جەنابیان، سوپاسنامەیەکى ئاراستەى غەفوور مەخمورى سکرتێرى گشتیى یەکێتى نەتەوەیى دیموکراتى کوردستان YNDK کردووە، ئەمەش دەقى سوپاسنامەکەیە :
بەڕێز کاک غەفوور مەخموورى سکرتێرى گشتیى یەکێتى نەتەوەیى دیموکراتى کوردستان
سڵاوێکى گەرم ...
بە پێزانینێکى زۆرەوە نامەى پیرۆزبایى بەڕێزتان گەیشت کە بە بۆنەى یادى شازدەى ئاب ئاراستەى ئێمەتان کردبوو، زۆر سوپاستان دەکەم. ئومێدى ئەوە دەخوازم تەبایى و برایەتیى نێوان هێزە سیاسییەکان قووڵتر ببێت و ئارامى و سەقامگیرى و پێشکەوتن باڵ بەسەر کوردستاندا بکێشێت.
هیواى سەرکەوتنتان بۆ دەخوازم.
مسعود بارزانى
٢٠ى ئابى ٢٠٢١