میدیا- هه‌ولێر:

مه‌کته‌بی سیاسيی یه‌کێتی نه‌ته‌وه‌یی دیموکراتی کوردستان YNDK پێشوازى له‌ سازمانى خه‌باتى کوردستانى ئێران له‌ هه‌ولێر ده‌كات، له‌دانشتنێكی برایانه‌دا گفتوگۆ له‌سه‌ر ره‌وشی سياسى كوردستان و ناوچه‌كه‌ كرا.

رۆژی پێنج شه‌ممه‌ رێكه‌وتی 14-8-2025 شاندێكى سازمانى خه‌باتى کوردستانى ئێران كه ‌پێكهاتبوو له‌به‌ڕێزان (جه‌لال خۆشكه‌لام كارگێڕى كۆميته‌ى ناوه‌ندى و ماردين زاهيدى ئه‌ندامى كۆميته‌ى ناوه‌ندى و به‌رپرسى په‌يوه‌ندييه‌كانى هه‌ولێر و رێناس فه‌له‌كى كادرى په‌يوه‌ندييه‌كان)، سه‌ردانی مه‌کته‌بی سیاسيی یه‌کێتی نه‌ته‌وه‌یی دیموکراتی کوردستان YNDK ده‌كه‌ن و پێشوازیكران له‌لایه‌ن هه‌ڤاڵان (د.شاخه‌وان خالید كارگێڕی مه‌كته‌بی سیاسی و شاكر هاشم ئه‌ندامى مه‌كته‌بى سياسى و جلال سمایل كارگێڕی مه‌كته‌بی ناوه‌ندی په‌یوه‌ندییه‌كان)، له‌دانیشتنێكدا باس له‌ ڕه‌وشی سیاسی و  رۆژهه‌ڵاتى كوردستان و هاوهه‌ڵوێستی حزبه‌كان له‌سه‌ر پرسه‌ نیشتمانی و نه‌ته‌وه‌ییه‌كان و يه‌كريزى و يه‌كگوتارى هێز و لايه‌نه‌ سياسييه‌كان له‌ پێناو به‌ديهێنانى مافه‌كانى گه‌لى كوردستان كرا.

هه‌روه‌ها باس له ‌زیاتر توندوتۆلكردنی په‌یوه‌ندی برايانه‌ى هه‌ردوولا و سه‌رجه‌م هێز و لايه‌نه‌كان كرا، له ‌پێناو به‌ديهێنانى يه‌كێتى نه‌ته‌وه‌يى و سه‌ربه‌خۆيى كوردستان.