میدیا- هه‌ولێر

كاتژمێر 10ی به‌یانی تاوه‌كو 5 ئێواره‌ی رۆژی چوارشه‌ممه‌ رێكه‌وتی 20-9-2023، بەبۆنەی تیرۆركردنی شه‌هید ( ده‌نیز جه‌وده‌ت هێڤی) لە شاری هه‌ولێر، پرسه‌ و ماته‌مینی له‌لایه‌ن كۆنگره‌ی نه‌ته‌وه‌یی كوردستان KNK رێكخرا.

لە رێورەسمەکەدا به‌ ئاماده‌بوونی دایك و باوك و مام و كه‌سوكاری شه‌هید ده‌نیز و زه‌ینه‌ب موڕاد هاوسه‌رۆك و ئه‌ندامانی KNK و نوێنەرانی حزب و لایەنه‌ سیاسییه‌كان و رێكخراو و، کەسایەتی هه‌موو به‌شه‌كانی کوردستان بەشداربوون و پرسه‌ و سه‌ره‌خۆشیان له‌ بنەماڵە و ئاماده‌بووان كرد.

بۆ ئه‌م مه‌‌به‌سته‌ شاندێكی مه‌كته‌بی سیاسیی یەكێتی نەتەوەیی دیموكراتی كوردستان YNDK كه ‌پێكهاتبوو له‌ هەڤاڵان (د. شاخەوان خالید کارگێڕى مەکتەبى سیاسىYNDK و شاکر هاشم ئەندامی كۆمیتەی سەركردایەتیYNDK و ئه‌رسه‌لان كاروانی ئه‌ندامی مه‌كته‌بی ناوه‌ندی په‌یوه‌ندییه‌كانیYNDK) ئامادەى رێوڕەسمى پرسەكه‌ بوون و جارێكی دیكه‌ ئیدانه‌ی تیرۆركردنی شه‌هید ده‌نیزیان كرد و پرسە و سەرەخۆشى و هاوخەمى خۆیان و  YNDK یان بە بنەماڵە و هاوسه‌رۆك و ئه‌ندامانی KNK و راگەیاند و هیوایان خواست ده‌زگاكانی لێكۆڵینه‌وه‌ به‌زووترین كان بكوژانی شه‌هید ده‌نیز بدۆزنه‌وه‌ و به‌سزای عادیلانه‌ی خۆیان بگه‌ن.

 بنەماڵەى شه‌هید ده‌نیز و هاوسه‌رۆكی KNK سوپاسی ئیدانه‌ و هاوخه‌می و ئاماده‌بوونی شاندی مه‌كته‌بی سیاسیی  YNDKیان كرد.