بەڕێزان بنەماڵەى خوالێخۆشبوو مامۆستا (حەمید ئەفەندى)

سڵاوێكی گەرم ....

بەخەم و پەژارەیەكی زۆرەوە هەواڵی كۆچی دوایی پێشمەرگەو سەرکردە و تێکۆشەرى ناسراوى کوردستان بەڕێز مامۆستا (حەمید ئەفەندى)-مان پێگەیشت، مامۆستا (حەمید ئەفەندى) ؛ سەرکردەیەکى لێهاتوو و دیارى بزاڤى رزگاریخوازى نیشتمانیى کوردستان بوو، لە خەباتى پێشمەرگایەتى رۆلێکى کاراى هەبوو، لەدەستدانى تێکۆشەرێکى وەک کاک (حەمید ئەفەندى) زیانێکى مەزنە بۆ سەرجەم بزاڤى رزگاریخوازى نیشتمانیى کوردستان، بەناوی خۆمان و ئەندامانی مەكتەبی سیاسی و كۆمیتەی سەركردایەتی و تەواوی ئەندامانی یەكێتی نەتەوەیی دیموكراتی كوردستان YNDK پرسەو سەرەخۆشی گەرمی خۆمان ئاراستەی ئێوەى بەڕێزو تەواوى بنەماڵە سەربەرزەکەتان و خزمانى خوالێخۆشبوو دەكەین و خۆمان بە هاوخەمتان دەزانین و، ئومێد دەكەین ئەوە دواناخۆشیتان بێت و، لە یەزدانی مەزن دەپاڕێینەوە دڵنەوایی و ئارامی بە هەموو لایەك ببەخشێت و خوالێخۆشبوویش بخاتە بەر رەحمەت و دلۆڤانی خۆی.

براتان

غەفوور مەخمووری

سكرتێری گشتیی

یەكێتی نەتەوەیی دیموكراتی كوردستان YNDK

17 / 2 / 2023