میدیا – هەولێر

مەكتەبی سیاسیی یەكێتی نەتەوەیی دیموكراتی كوردستان YNDK پیرۆزبایی له‌ پارتی رزگاری نه‌ته‌وه‌یی توركمان ده‌كات، مەكتەبی سیاسی YNDK به‌بۆنه‌ی (24)مین ساڵیادی دامه‌زراندنیان پیرۆزبایی له‌ مه‌كته‌بی سیاسیی پارتی رزگاری نه‌ته‌وه‌یی توركمان ده‌كات.

ده‌قی په‌یامی پیرۆزباییه‌كه‌:

بۆ بەڕێز مەكتەبی سیاسی پارتی رزگاری نه‌ته‌وه‌یی توركمان

بابەت / په‌یامی پیرۆزبایی

سڵاوی سەرخۆبوون‌و ئازادی ...

بەبۆنەی(24)ه‌مین ساڵیادی دامەزراندنی پارتەكەتان (پارتی رزگاری نه‌ته‌وه‌یی توركمان) بەناوی خۆمان‌و تەواوی ئەندام‌و لایەنگرانی یەكێتیمانYNDK، جوانترین پیرۆزبایتان ئاڕاستە دەكەین‌و خوازیارین ساڵیادی دامەزراندنی ئەمساڵتان هاندەر بێت بۆ زیاتر گەشەكردنی پارتەكەتان.

بەڕێزان : پارتەكەتان (پارتی رزگاری نه‌ته‌وه‌یی توركمان) لەماوەی تەمەنی خەباتی وەك لایەنێكی كاریگەر، توانیویەتی ببێتە چەترێك بۆ كۆكردنەوەی كەسانی نیشتمانپەروەر لەدەوری خۆی، هەموو كاتێكیش هەڵگری پەیامی ئاشتی‌و برایەتی‌و پێكەوە ژیانی سەرجەم نەتەوەو ئایینەكان بووە لەكوردستاندا، ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێزو لایەنەكانی كوردستانە بەسەرجەم پێكهاتەو نەتەوەكانیەوە لەپێناو بەدیهێنانی تەواوی مافەكانی گەلی كوردستان.

لەم بۆنەدا جارێكی تر جەخت دەكەینەوە سەر زیاتر توندوتۆڵكردنی پەیوەندی برایانەی نێوانمان .

دووبارە ساڵیادتان پیرۆز … هەر سەركەوتوو بن .

مەكتەبی سیاسی

یەكێتی نەتەوەیی دیموكراتی كوردستان YNDK

6 -12-2022