لەوبارەیەوە جۆلی لیسکۆت ھایمز نوسەری کتێبی How to raise an Adult دەڵێت : دەبێ وابکەیت کەمنداڵان کاروباری ماڵ بکەن پێویستە تا بزانن ئەم کارە بەشێکی سەرەکییە لەژیان و رۆحیەتی ھاوبەشی و ھاوکاری تێیاندا دروست دەکات.
کاتێ کارەکانیشیان دەدەیتە کەسێکی تر، منداڵان وادەزانن کەشکستیان ھێناوە لەزانینی رادەی گرنگی بەرگەگرتنی بەرپرسیارێتی و ئەنجامدانی کارەکانیان.
جولی پێی وایە ئەو منداڵانەی کاروباری ماڵیان بەرێک وپێکی دەکەن گەورە دەبن و دەبنە کەسێکی باڵغ کەباشتر بتوانن ھاوکاری بکەن لەگەڵ تیمەکەیان و ئەمەش بەجۆرێک دەکەوێتەوە کەھاوسۆز بن لەگەڵ کەسانی تر و ناترسن لەبەجێگەیاندنی ئەرکەکانیان بەتەنیا.
بۆیە ئەو ھەڵەیە مەکە و بوار بەمنداڵ بدە کەگەشە بکات و بێتە پێشەوە لەرێی راھێنانیان بۆ ئەنجامدانی کاروباری ناوماڵ بەشێوەیەکی رێک و پێک وەک ئەرکە سادەکانی رێکخستنی ناوماڵ، کانتۆری جلەکانی، رێکخستنی مێزی نان خواردن، فرێدانی خۆڵ و خاشاک، پاککردنەوەی فەرش و مۆکێت و لەم جۆرانە.
چونکە دەرکەوتوە کەئەو منداڵانەی کاروباری ناوماڵ بەجێ دەگەیەنن گەورەدەبن تا ببنە کەسانێکی سەرکەوتوو لەژیانی پیشەیی خۆیاندا.