Share this on Faceook

Follow us on Twitter

FacebookTwitterGoogle BookmarksPinterest
Pin It

Facebook

Twitter

Google Plus

YouTube

د. عەبدوڵڵا ئاگرین

  كورد راستگۆیانە و بە حەسرەتەوە، گوللەی بە گۆڵ و زەبوونی و ژێر دەستەیی بە سەربەخۆی بەخشیوە.. من وێڵی لالە وێچكەیەك هەناسەی دەربڕینی بیروڕا و هەڵوێستەكانمم!. یەكێك لەو روانگانەی نەغمەی ئازادیم تیا چڕاندووە، رۆژنامەی ((میدیا)) ی گڕكانی عەشقی خاك و نەتەوە و بیروباوەڕی كوردانەیە، بێ لاف و گەزاف و فیزی پۆزلێدان، دەنگی خۆم دەكرۆشت، تیشكی چرای مزگێنیم لە شەپۆلی هوشیاریی بزەی بێ باكی و كێوی جەربەزەیی میدیا دا دەبینی.. بوێرانە پەڵە هەوری چڵكنی هەڕەشەی تۆقێنەری تیرۆرستان رادەماڵێت. بە جورئەتەوە پەنجەی بەچاوی ئەو دوژمنانەدا كردووە كە دەیانەوێت چۆك بە عەزمی بەتین و ئیرادەی پۆڵایینی میللەت دا بدەن و لە شایلۆغانی سەركەوتنیدا، زەماوەندی ناشتنی مەرگی هەتاوی كورد بكەن، رۆژنامەی میدیا ئازایانە لە بەرخودانی فیكری ژەهراوی و هەڕەشەی تۆقێنەر و شاڵاوی دڕندانەی داگیركەر و تیرۆرستاندا جەنگاوە و بەهەق میحرابی بانگێشتەی راگەیاندن و دامەزراندنی دەوڵەتی سەربەخۆی كوردستانە. بە هیوای ئەوەی درێژەدەری هەناسەی ئازادی و سەبەرخۆیی تەمەنی پێشووی بێت. لەم ساڵیشدا مزگێنی سەركەوتنی یەكجاری كوردی تیا پەخشكرێت و بە دیدی خۆمان و بەدەم چڕینی مارشــــــــــــــی ((ئەی رەقیب)) و شەكانەوەی ئاڵای كوردستان، دەوڵەتی سەربەخۆی كوردستان ببینن و ئاواتی دێرینمان بەدی بێت، پیرۆزبێت.