رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

وەرگێڕان و ئامادە كردنی // كەمال عەبدۆڵڵا حەسەن

ڕووەكێكی شەش هەزار سالە بۆ ئارامكردنەوە و چارەسەری سەرئیشەكانی مایگرون و شە قیقە

زۆربەی جاران كاتێك كە سەرئێشە تووشمان دەبێت ، خێرا بیر لە بەكارهێنانی جۆرەها داو و دەرمانی ئارامكەرەوە دەكەین ، بێ ئەوەی كە بزانین ئەم دەرمانانە لە شێوەی گیایی و دەرمانی خۆماڵیش بوونیان هەیە .

لە ڕاستیدا كاركردنی لە ڕادەبەدەر ، پاڵەپەستوو و گوشارە دەرماریەكانی هەر هەموویان هۆكارێكن بۆ دەركەوتنی سەرئێشە و مایگرن لە مرۆڤەكان و تاكەكاندا . زۆربەی ئەو كەسانەی كە تووشی مایگرن هاتوونە ، ماوەیەكی یەكجار زۆر نادار دەكرێن كە وا پشوو بدەن و توانای ئەنجامدانی كارەكانی رۆژانەی خۆیانیان نییە . لە لایەكی ترەوە بەكارهێنانی لە ڕادەبەدەری داوو دەرمانەكانی سەرئێشە لە ماوەیەكی درێژخایەندا دەبێتە هۆكاری كێشە و ئالۆزیەكانی گورچیلە یانیش نەخۆشی و ئازارەكانی مێشك .

پسپووڕەكان ئامۆژگاری ئەوە دەكەن كە وا ئەو كەسانەی كە تووشی سەرئێشە و مایگرنی قورسن لە هەنگاوی یەكەمدا پێویستە سەردانی پزیشك بكەن تاكو هۆكالای كێشەكانیان دەربكەوێت و لە پاڵ بەكارهێنانی داو و دەرمان لە ژێر چاودێری پزیشك ، هەندێ لە دەرمانی گیایی و خۆماڵی بەكار بێنن و سوودی لێوەرگرن .

یەكێك لەو گژو گیا بە سوودەكان بۆ چارەسەركردنی سەرئێشە و مایگرن ، ڕووەكی ئالۆئە ڤێرایە ، ڕووەكێك كە بە شێوەیەكی سروشتی خاوەن پێكهاتەی دژە هەو كردن و كەمكەرەوەی كلۆسترۆڵی خوێنە و بۆ كەمكردنەوەی نەخۆشیەكانی سەرئێشە بەكار دێت و لەگەڵ ئەوەشدا دەتوانرێت بۆ چارەسەركردنی خورانی پێست و هەروەها بۆ كێشە و گرفتەكانی هەوكردنیان بەكار بێت و سوودی لێوەربگیرێت .

ئەم ڕووەكە چەندین سەدە بەر لە ئێستا لە نووسینە دەستنووسەكانی كۆن و نووسین و پشكنینەكانی پزیشكاندا وەك دەرمانێكی  موعجیزەكەرەوە بۆ چارەسەركردنی زۆربەی نەخۆشیەكان و لەوانەش چارەسەر كردنی برینەكان ، زامەكان ، سووتان بە هۆی خۆرەوە و هەروەها چارەسەركردنی ئیلتیهاباتەكان بەكار هاتووە و سوودی لێوەرگیراوە .

بێجگە لەوەش " ئالۆئەڤێرا " خاون تایبەتمەندی ئارامكردنەوەی دەمارەكانە و دەتوانێت بۆ چارەسەركردنەوەی مایگرن و ئەسپاسمی دەمارەكانی دەوروبەری سەر و گەردەن بەكار بێت و سوودی لێوەربگیرێت . چۆنیەتی بەكارهێنانی ئەم ڕووەكە زۆر ئاسانە و پێویستە تەنها جێلی ئەم ڕووەكە هەڵبمێژرێت . هەروەها دەتوانرێت ، سەر و ڕووخسار و گەردەن بە گیراوەی ڕووەكی " ئالۆئەڤێرا مەساج بكرێت تاكو هەو كردنەكان و ئیلتیهابەكانی ئەم شوێنانە چارەسەر بكرێت .

ڕووەكی " ئالۆئەڤێرا " هەروەها بۆ لە ناو بردن و چارەسەركردنی لەكەكانی پێست ، نەخۆشی ئاكنە و چارەسەركردنی سووتانیش كاریگەرە و بەكاردێت بە جۆرێك كە تێكەڵكردنی جەلی ئەم ڕووەكە بە لیمۆی ترش  بۆ خاوێن كردنەوەی و ستریلی برینەكان و ئاكنە پێستیەكان بەكار دێت و سوودی لێوەردەگیرێت.

شایانی باسە ، لەسوودەكانی دیكەی ئەم ڕووەكە شەش هەزار ساڵەیە دەتوانێت ئاماژە بە ئاودانی و ئاوگەیاندنی قژ بكرێت و هەروەها رَێگە لە هەڵوەرینی قژەكان دەكات . لەگەئەوەشدا بەكارهێنانی جەلی ئەم ڕووەكە لە گەڵ ئاودا دەتوانێت ڕیگە لە مووخورە بگرێت و دەبێتە هۆی جوانتر بوونی قژەكان و دەركەوتنیان به شێوەیەكی زۆر جوان و قەشەنگ 

(كوردی – 2016 )

    

 

كۆمێنتت له‌سه‌ر ئه‌م بابه‌ته‌