رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

كۆنسێرتی گرووپی موزیكی "ژیوار" بە دەنگی خانمە گۆرانیبێژی كورد "ژیوار شێخولئیسلامی" لە فەرهەنگسەرای نیاوەرانی شاری تاران بەڕێوەچوو.

  بەپێی هەواڵەكان، بەڕێوەبەرایەتیی راگەیاندنیی گشتیی گرووپی موزیكی "ژیوار" بڵاوی كردەوە كە گرووپی موزیكی "ژیوار" بە سەرپەرەستیی‌و بە دەنگی خاتوو "ژیوار شێخولئیسلامی" بە جلووبەرگی رازاوەی كوردیی ناوچە جۆراوجۆرەكانی كوردستان بە بۆنەی هاتنی نەورۆز كۆنسێرتێكی گۆرانی و موزیكی كوردیی و فارسییان لە تەلاری سەرەكیی فەرهەنگسەرای نیاوەرانی شاری تاران بەڕێوە برد.

ئەم كۆنسێرتەی گرووپی موزیكی "ژیوار" كە بۆ یەكەمین جار بە شێوەی گشتیی هاوكات بۆ پیاوان و ژنان سازكرا لە دوو بەشدا بەڕێوەچوو، لە بەشی یەكەمدا چەندین پارچە موزیك و گۆرانی فارسیی پێشكەش كران، لەوانە: گۆرانیی "كرانەوە"، گۆرانیی "فڕین لەگەڵ هەتاو" بە شێعری "فەرەیدوون موشیری"،" گۆرانیی "سرتە ئاڵۆزەكان"، گۆرانیی "لەوپەڕی نووراو"، گۆرانیی "دای كاتۆ"، گۆرانیی "شاری خامۆش" وگۆرانی "رەنگی ئاوا".

لە بەشی دووهەمیش‌دا كە تایبەت بوو بە موزیك و گۆرانیی كوردی؛ گرووپی موزیكی "ژیوار" بە جلووبەرگی رازاوەی كوردیی ناوچە جۆراوجۆرەكانی كوردستانەوە هاتنە سەر شانۆی كۆنسێرتەكە كە لە لایەن ئامادەبووانە بە چەپڵە پێشوازییان لێكرا و لە درێژەدا چەندین پارچە موزیك و گۆرانیی كوردییان پێشكەش كرد، لەوانە: گۆرانی "خەیاڵی سوور" كە پێشكیەش بە كۆبانی و هەموو كچان و ژنانی قارەمان‌و خەباتكاری ئەم شارە كرا، گۆرانیی "هەروایە"، گۆرانیی "بۆ لای یار دەچم"، گۆرانیی "قاسم خان" و گۆرانیی "دەنگی فەرهاد".

دوای تەواوبوونی ئەم بەشەی بەرنامەكەش ئەندامانی گرووپی موزیكی "ژیوار" لە لایەن ئامادەبووانە بە چەپڵەلێدان و پێشكەشكردنی چەپكەگوڵ پێشوازییان لێكرا و داوای گۆرانی دیكەیان لەم گرووپە دەكرد كە ئەوانیش لە درێژەی بەرنامەكەدا گۆرانی "ئاخ لەیل و داخ لەیل"یان پێشكەش بە ئامادەبووان كرا.

گرووپی موزیكی "ژیوار" ساڵی 2000 لە لایەن خاتوو "ژیوار شێخولئیسلامی" لە شاری تاران دامەزراوە و لە سەرەتای دامەزراندییەوە تا ئێستا لە شارە جۆراوجۆرەكانی ئێران و هەروەها لە فیستیڤاڵەكانی موزیكی نێوخۆی ئێران و دەرەوەی وڵات و هەرێمی كوردستان بەشداریی كردووە و چەندین خەڵاتیشی بەدەست هێناوە.

شایانی باسە گرووپی موزیكی كچانی "ژیوار" ساڵی 2012 لە فیستیڤاڵی موزیكی هەولێر لە پێتەختی هەرێمی كوردستان، كۆمەڵێك گۆرانی و موزیكی كوردییان پێشكەش كرد و پلەی یەكەمی ئەم فیستیڤاڵەی بەدەست هێنا. ئاسۆی رۆژهەڵات

 

كۆمێنتت له‌سه‌ر ئه‌م بابه‌ته‌