دوای ئەوەی تیرۆریستانی داعش فڕۆكەوانە ئوردنییەكەیان كوشت و ئاگریان تێ بەردا، ئەو رووداوە سۆزی هەموو دنیای بەرەو ئەو فڕۆكەوانە جووڵاند. خاتوونە گۆرانیبێژی عێراقی "شەزا حەسوون"یش بەرامبەر بە هەڵسوكەوتە تیرۆرییەكانی داعش هاتە دەنگ.

هەفتەی رابردوو لەبارەی تیرۆركردنی فڕۆكەوانە ئوردنییەكە، خاتوونە گۆرانیبێژی توونسی "لەتیفە" لە رێگەی فەیسبووكەوە پرسیاری لە داعش كرد و گوتی "ئەمەیە ئیسلامی ئێمە؟". بەدوایدا خاتوونە گۆرانیبێژ شەزا حەسوونیش هاتووەتە دەنگ و بە داعش دەڵێت "تیرۆركردنی فڕۆكەوانە ئوردنییە بەو شێوەیەی بینیمان، زۆر ئازاربەخش بوو و دوورە لە هەڵسوكەوتی ئیسلام و مرۆڤ".
شەزا لە لاپەڕەكەی خۆی لە فەیسبووك نووسیویەتی "تیرۆركردنی ئەو فڕۆكەوانە زۆر وەحشیگەرییانە بوو، بێگومان بۆ سەرجەم شەهیدەكانی تریش بەهەمان شێوەیە. تەنیا ئەوەم لە دەست دێت بڵێم خوا تۆڵەی هەموو شەهیدەكان بكاتەوە، چونكە تیرۆریستان هیچ دینێكیان نییە".