رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

   هونەرمەند دیاری قەرەداغی لەسەر ئەو 6 هەزار دۆلارەی لە یادی هەڵەبجە وەریگرتو رونكردنەوەیەك دەدات، دەڵێت "زۆر بریندار كراوم و دڵمان خوێنی ناحەقی لێ دەچۆڕێ.. زۆر قسەی نابەجێ و ناڕاست و نارۆشن كراوە كەجێگای قبوڵ نییە".


دیاری قەرەداغی، لە رونكردنەوەكەیدا، ئاماژەبەوەدەكات، بڕی 6000 دۆلار بۆ كلیپی شەهید وەرم گرتوە لە یادی 25 ساڵی هەڵەبجەدا ، نەك بۆ گیرفانم، كە كەمترین پارەی وەرگیراوە لە نێو ئەو لیستەدا بۆ كارێكی دیارو بەرچاو.

قەرەداغی دەشپرسێت، ئەی بەرهەمەكە چۆن دروست بكەین ؟ هەر وەك ساڵانی پێشوو هەر لەسەر گیرفانی خۆمان؟ دەپرسم ئەی ئەندام پەرلەمانێك بە خۆرایی ئیشی كردووە؟ ئەی هیچ توێژێكی كۆمەڵ بە هێندەی ئێمە لەسەر گیرفانی خۆی كاری كردووە؟ ئەی ئەو دەمانەی من و هاوڕیكانم لەسەر گیرفانی خۆمان كارمان كرد و دڵی هەزارانمان خۆشكرد كەس وتی دەستانخۆش بێ و ئافەرین؟

دیاری كە بە وەرگرتنی 6000 دۆلار لە یادی هەڵەبجەدا ناوی هێنراوە، ئەوەشدەخاتەڕوو، كە من وەك خۆم نوچ نادەم لە كاری هونەریم، بەڵام نایشارمەوە كە زۆر بریندار كراوم و دڵمان خوێنی ناحەقی لێ دەچۆڕێ.. زۆر قسەی نابەجێ و ناڕاست و نارۆشن كراوە كەجێگای قبوڵ نییە.

دەقی روونكردنەوەكەی دیاری قەرەداغی:
سەبارەت بەو پرسەی ئەم چەند رۆژە وروژێنراوە سەبارەت بەو خەرجی و سپۆنسەرییەی كە وەزارەتی شەهیدان لە 25 ساڵی یادی هەڵەبجەدا تەرخانی كردووە بۆ كارو چالاكییەكان بۆ ئەو مەراسیمه. پاش ئەوەی لە لایەن ئەندام پەرلەمانێكەوە بابەتەكە وروژێنرا،، من قسەم لەسەر هیچ دیو و مەبەستی سیاسی و حیزبی نییە ئەگەر هەبێ بۆ جوڵاندنی ئەم باسە لەم كات و ساتەدا... قسەشم لەسەر ئەو میكانیزمە نییە كە وەزارەتی ناوبراو كاری پێ كردووە بە پێدانی ئەو بڕە تەرخانكراوانە بۆ كاری هونەریی ، هەر هونەرمەندێك دەتوانێ باس لە خەرجی و جۆری كارەكەی خۆی بكات،، سەبارەت بە خۆم لە كۆی ئەو لیستە بڵاو كراوەیەدا ناوی منیش هاتووە وەك هونەرمەندێك بە كارێكی هونەریی كە دروستكردنی كلیپی (شەهید) ە كە لە سەرجەم كەناڵ و میدیاكاندا دابەزی و بینرا بە لۆگۆی وەزارەت و بڕە پارەكەش بۆ سازكردنی ئەو كلیپە بوو بە پێی دەرخستەیەكی 6000 هەزار دۆلاری بەم كارە.. كە كەمترین پارەی وەرگیراوە لە نێو ئەو لیستەدا بۆ كارێكی دیارو بەرچاو.

من دەپرسم ئێمە چاوەشین؟ ئێمە دز و گەندەڵین؟ لە بەر ئەوەی پارەیان خەرج كردووە بۆ كارێكی هونەریی؟؟؟

ئەی بەرهەمەكە چۆن دروست بكەین ؟ هەر وەك ساڵانی پێشوو هەر لەسەر گیرفانی خۆمان؟ دەپرسم ئەی ئەندام پەرلەمانێك بە خۆرایی ئیشی كردووە؟ ئەی هیچ توێژێكی كۆمەڵ بە هێندەی ئێمە لەسەر گیرفانی خۆی كاری كردووە؟

ئەی ئەو دەمانەی من و هاوڕیكانم لەسەر گیرفانی خۆمان كارمان كرد و دڵی هەزارانمان خۆشكرد كەس وتی دەستانخۆش بێ و ئافەرین؟
تا كەی ئەم گەمەیە بەردەوامە لە نێوان دروستكردنی ئیشی هونەریی و گیرفان بەتاڵیدا یاری بكرێ.. ئایا مشەخۆری و مفتخواردنی من لەوەدایە كە كلیپێكم دروستكردووە.. باشە كلیپ بە خۆڕایی دروست دەكرێ؟؟
خۆ ئەگەر یەك جاریش بۆ تەنها یەك جاریش پارەیەك بێتە گیرفانی هونەرمەندەوە ئیتر ئەمە دزییە؟.. كێمان دەستی كردووە بە قاسە و گیرفانی كەسدا؟؟

بەتایبەت خۆمەوە بۆ هەموو لایەكی روون دەكەمەوە كە ئەو بڕە پارەیە خەرجییە بۆ كلیپەكەمە نەك بۆ گیرفانم.. بەرێزانم زۆرن كە سامانی بێ هاوتایی وڵاتیان لە گیرفان ناوە ، زۆرێك لە(سیاسیی و كاربەدەست و بازرگانی جەنگ و بەڵیندەرە حیزبییەكان) ئەوە منی هونەرمەند نیم بەشداری ئەو تاڵانییە بم .. ئاخر من پەروەردەی ژیان و رەوتی هونەرمەندانی پێش خۆمم كە بە سكی برسی و دڵی پڕەوە مردن و دەمرین.. سەد بە داخەوە كە دەبوو گیرفانی هونەرمەندی كورد هیچی كەمتر نەبوایە لەوەی لە دنیادا دەگوزەرێ و پەیدای دەكەن، بەڵام دیارە ئێمە دروێشانە و هەژارانە تا ئەمرین دەبێ قسەمان لەسەر بكرێ و چاومان لەسەر بێ.

من وەك خۆم نوچ نادەم لە كاری هونەریم، بەڵام نایشارمەوە كە زۆر بریندار كراوم و دڵمان خوێنی ناحەقی لێ دەچۆڕێ.. زۆر قسەی نابەجێ و ناڕاست و نارۆشن كراوە كەجێگای قبوڵ نییە.
سەد حەیف و داخ بۆ ئەوەی لە وڵاتی شەێ‌ و سەنگەری دۆڕاو و خوێن و دزیی و تاڵانیی و گەندەڵی و شەڕی برا كوژی و شەڕی میدیای حیزبیی بە ‌بەردەوام وتەخوین كردنی یەكتر و شەڕە پەڕۆی پارتایەتی و سەر خاك و ژێر خاك فرۆشتن و موچەی بن دیوار و سەر دیوار و سەر تەناف و پێدانی سەدان ناونیشانی پلە وەزیر و راوێژكار بە موچەی خەیاڵی .. كەچی بەمەبەست دەنگی هونەرمەند و كەسایەتی هونەرمەند كرانە (دز و گەندەل و مفتخۆر و ناشەریف ... هتد) چاوەڕێی خراپتریش دەكەم بەوی هەمیشە ئێمە بكرێینە نیشانە و ئەنگاوتن و خۆراكی ململانێی شەڕەشەقی سیاسەت كە تا دەمرم من دوورم لێی.

كۆمێنتت له‌سه‌ر ئه‌م بابه‌ته‌