رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

هونه‌رمه‌ندا ده‌نگخۆش تارا ره‌سوول، سرووده‌كێ ب شه‌هید ره‌نگینێ ئه‌و كچا كورد ئه‌وا بده‌ستێن تیرۆرستێن داعش ل سینۆرێ پارێزگه‌ها كه‌ركووكێ هاتییه‌ شه‌هید كرن دبێژیت و كلیپ دكه‌ت. تارا ره‌سوول د ڤێ سروودێ دا مۆزیكا سویدی و كوردی تێكهه‌لى هه‌ڤ دكه‌ت كو ئه‌ڤ سروده‌ باس ل شه‌هیدبوونا كچه‌كا كورد ب ده‌ستێ‌ داعش ل سنورێ‌ پارێزگه‌ها كه‌ركووك دكه‌ت كو ب مۆزیكا سویدی سروودا ره‌نگین دهێته‌ به‌رهه‌مئینان.
د ڤی واری دا هونه‌رمه‌ند تارا ره‌سوول بۆ میدیاكاران راگه‌هاند: سروودا “شه‌هید نه‌قیب ره‌نگین” په‌یڤێن سه‌ید ئیبراهیمى و مۆزیكا سامان ئه‌لیاسى یه‌ ‌و د ناڤه‌رۆكا هه‌لبه‌ستێ‌ دا هاتییه‌ ” دژی تیرۆر ده‌جه‌نگین, بووكا شه‌هیدان ره‌نگین”. و گۆتژى كو شه‌هید ره‌نگین خانمه‌كا ئه‌فسه‌را كورده‌ كو ل شه‌رێ‌ دژی داعش دا ل باژێرێ كه‌ركووكێ‌ هاتێیه‌ شه‌هید كرن. ناڤبریێ خویاكر ژى كو فه‌ره‌ ژبلی هه‌لبه‌ست و سترانان، كار لسه‌ر ره‌وشا ئافره‌تێ و رۆلێ وێ‌ د شه‌رێ‌ دژی داعش دا بهێته‌كرن داكو ئه‌ڤ رۆله‌ و نه‌خۆشیێن بسه‌ر ژنێ دا هاتین بهێنه‌ تۆماركرن و نه‌هێته‌ ژبیركرن. و زێده‌تر گۆت: له‌ورا ژی من ب فه‌ر زانی شه‌هید ره‌نگینێ‌ بكه‌مه‌ به‌رهه‌مێ‌ خوه‌یی هونه‌ری.
ئه‌ڤ سروده‌ ل وه‌لاتێ‌ سوید هاتییه‌ به‌رهه‌م ئینان و ده‌رهێنه‌ر هه‌ردی عومه‌ر ب كارێ‌ ده‌رهێنانا كلیپێ‌ رابویه ‌و ل ده‌مه‌ك نێزیك ئه‌ڤ به‌رهه‌مه‌ دێ هێته‌ به‌لاڤكرن.
تارا ره‌ سول خویاژی كر: د ڤێ‌ سرودێ دا جودا ژ به‌رهه‌مێن دی، من ئامێرێ‌ ئامێرێ‌ “نیكل هارپ” كو ئامبره‌كێ رۆژئاڤاییه‌ كو ژ لایێ موزیكژه‌نێ‌ سویدی “ماگنۆس هولمستروم” هاتییه‌ ژه‌نین, بكار ئینایه‌. هه‌روه‌سا د ڤێ سروودێ دا من مقاما “نه‌هاوه‌ند” بكار ئینایه‌.
ناڤبریێ گۆتژى، هونه‌رمه‌ند “سامان ئه‌لیاس” كارێ‌ مۆزیكێ‌ بۆ ڤێ سترانی ئه‌نجامدایه‌. هه‌ر وه‌سا د ڤێ سرودێ‌ دا كورس هاتییه‌ بكارئینان. كارێ مارشێ‌ د ڤێ‌ سرودێ‌ دا كاره‌ك بساناهی نه‌بوو لێ ب هاریكارییا هه‌ڤالان هاته‌ ئه‌نجامدان. ئه‌ڤ سرووده‌ ل ده‌مه‌ك گه‌له‌ك نێزیك دێ‌ ب جوانترین ده‌نگ و ره‌نگ ل كوردستانێ‌ هێته‌ به‌لاڤكرن.

س: وار – دهۆک

كۆمێنتت له‌سه‌ر ئه‌م بابه‌ته‌