رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

 

   میدیا - رەزوان عەبدولقادر

 دوای ئەوەی بەنازەوە دەیگرنە خۆ، شاهۆ هەڵدەستێ بەداڕشتنی پیلانێكی نەگریس و دزینی نۆ دەفتەر دۆلار و پلكی دەكاتە قوربانی ئەو برە پارەیە و خێزانێك لەبەریەك هەڵدەوەشێنێتەوە.

كوێستان ژنێكی 55 ساڵانەیە و بەپیشەی بە مامۆستایەتی خەریكە، خاوەن كورێك و سێ كچە،كچەكان هەموویان شوویان كردووە، خۆی و ئاری و سلێمانی هاوسەری بەیەكەوە دەژین، هەروەها خۆشكەزایەكی كوێستان لە گەڵیان دەژیا كە ناوی شاهۆیە و لە شارێكی دیكەوە بۆ ماڵی پلكی هاتووە، سەرەڕای ئەوەی مێردی پێی خۆشه‌ شاهۆ لەگەڵیاندا بێت، بەڵام لەبەر دڵی كوێستان قسەناكات.

شاهۆی میوان هەندێ جار كارەكانی ناو ماڵ و دەرەوەی دەكرد، هەر وەكو كوڕێكی ماڵەكەی لێهاتبوو، لەبەرامبەردا هاوسەرەكەی كوێستان ناڕازی بوو كە شاهۆ لە ماڵیەتی و زۆر جارانیش توڕە دەبوو كوێستانیش لەبەر شاهۆ بێدەنگ دەمێنێ و یان بەسەر خۆی ناهێنێ، هەندێ جار كوێستان بەهاوسەرەكەی دەڵێ "پیاوەكە ئەوەندە ناهێنێ عەیبە خۆ دەری ناكەم و كارەكەی تەواو بێت دەچێتەوە ماڵی خۆیان ".

شاهۆ ماوەیەك لەو ماڵە لەهەموو شتێك راهات و  زۆر جار لە سەر حیسابی خۆی سەوزە و مێوە و گۆشتی دەكڕی و دەهێنێتە ماڵەوە، لەهەمان كات دركی بەوە كردووە كە مێردی پلكی كەیفی پێ نایەت، شاهۆ پەیوەندی لەگەڵ پلكی زۆر باش دەبێ و پێی دەڵێت " پلە گیان هەر كارێكت هەبوو بە من بڵێ و یەكسەر بۆت جێبەجێدەكەم".

شاهۆ هەستی كرد پلكی پارەیەكی زۆری هەیە و شارودویەتیەوە، لەبەر ئەوە هەموو كات بەدوای هەلدا دەگەڕێ و خەریكی داڕشتنی پلانێكی خراپ بوو، رۆژێكیان شاهۆ و پلكی بەیەكەوە دانیشتن و قسەیان كرد و كوێستان دەڵێت " لە مێژە لە ماڵی 9 دەفتەر دۆلارمان هەیە و حەزدەكەم خانوویەكی پێبكڕم، بەڵام نامەوێت سلێمانی مێردم بزانێ"، شاهۆ بەپلكێ دەڵێ" خەمت نەبێ پلە من بەبێ دەنگی بۆت دەكڕم"، شاهۆ بیر دەكاتەوە چۆن ئەو پارە ببات و ڕابكات، هەر بۆیە لەگەڵ برادەرێكی رێك دەكەوێت و خانووەكەی چۆڵ دەكات و پلكی دەبات و سەیری خانووەكە دەكەن. بەپلكی دەڵێ "ئەو خانووەم بە نۆ دەفتەر و بیست و پێنج وەرقە بۆ كڕیوی با بچین و گرێبەست بنووسین و پارەكەی پێبدەین"، كوێستان لە خۆشیان بەپەلە پەلە پارەكە دێنێت و پێیدەدات.

دوای چەند رۆژێك شاهۆ بەپلكی دەڵێت " خانووەكەم بەتەواوی خستۆتە سەرناوت و بە 600 دۆلار بەكرێمداوە". بەفرت و فیڵ سێ مانگ كرێ بە پلكی دەدات لەوەشەوە خۆی ئامادە دەكرد بچێتەوە دەرەوەی وڵات و مامەلە تەواو دەكات و دەڕوات و لەبەرامبەر هاوكاریكردنی برێك پارە دەداتە هاوڕێیەكەی و شاهۆ هەموو پارەكە دەبات. كاتێك كوێستان بەمە دەزانێت كە شاهۆ هیچ خانووەكی بۆ نەكڕیووەو هەر 9 دەفتەری لێ بردووە، تووشی شۆك و شلەژان دەبێت، كوێستان لەرێگەی خوشكیەوە زۆر هەوڵدەدات پارەكە بگەڕێنێتەوە بەڵام بێ سوودە، دوای تێپەڕبوونی پێنج مانگ بەسەر رووداوەكە و رۆژێكیان سلێمان داوای  دەفتەرێك دۆلار لە كوێستان دەكات بۆ كڕینی ئۆتۆمبێل، ئەویش دەشلەژێ و دەكاتە هەرا لەگەڵ سلێمان و پێی دەڵێت " ئۆتۆمبێلی خۆت عەیبی چیە بۆ دەیگۆڕی پارەت نادەمێ "، ئەویش هەر سوور دەبێ بۆ پارە و دەبێتە شەڕ و دەمەقالێیان و كوێستانیش رووداوەكەی هەموو بۆ دەگەرێتەوە، سلێمانی بەرچاوی تاریك دەبێت و دووچاری دمارگرژی دەبێتەوەو لەو كاتە كوێستان سێ بەسێ تەلاق دەدات و دوای نووسینی سكاڵاش بەڵام لەبەرئەوەی شاهۆ لەناخۆی ولات نییە، پارەكە ناگەڕێتەوەو خێزانێك بەم هۆیەوە هەڵدەوەشێتەوە.                          

كۆمێنتت له‌سه‌ر ئه‌م بابه‌ته‌