رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

میدیا - ژیلە ئامانج

  دوای ئەو پێشكەوتنە زۆرەی لەهەموو بوارەكانەوە روویدا، بواری دۆبلاژكردن و وەرگێڕانی دراما بیانیەكان لەكوردستان، زۆر بەخێرایی تەشەنەی كرد و رۆژانەو شەوانە چەندین دراما و فیلمی بیانی دڵ و ماڵەكان داگیر دەكەن.

ئاشنا قادر تەمەن(20) ساڵە خوێندەڤانێكی زانكۆیە لە بەشی ژمێریاری بۆ میدیا لەم بارەیەوە دەڵێ " ئێستا كەناڵەكان هەموویان روویان لە دراما دۆبلاژكراوەكان كردوە و خەڵكیش بەپەرۆشەوە سەیریان دەكات". ئاشنا هۆكاری تەماشكردنەكەی بۆ ئەوە گەڕاندەوە كەبەشێكی زۆر لەم درامایانە دۆبلاژی سەر زمانی كوردی كراون و ئەوەش چێژێكی زۆریان پێدەبەخشێت، زیاتر وتی " تاكەكانی ئێمە بەم شێوەیە سەیری ئەو درامایانە ناكەن بەڵكو هەندێ جار هەوڵی لاسایی كردنەوە، ئەوەش دەبێتە هۆكاری ئەوەی دووچاری هەڵە ببنەوە، لەبەر ئەوەی ئاكار و رەفتاری نێودراماكان جیاوازە لەگەڵ كۆمەڵگەی ئێمە" .
" من كەسەیری ئەو درامایانە دەكەم وانەی لێوەردەگرم، هەوڵی وەرگرتنی شتە باشەكانی نێودراماكان دەدەم، تاوەكو زانیاری و ئاموژگاری باش لە هەموو شتێك بزانم ئەوەی كە نایكەم، هەموو كەسێك مێشكی هەیە و دەتوانێ شتی باش و خراپ لەیەكتر جیابكاتەوە، بۆیە لەسەرمان پێویستە لایەنە باشەكان وەربگرین" ئەوە قسەی رێناس كاكلی تەمەن(23) ساڵە كە خوێندەڤانی پەیمانگایە.
رەهەند كاروان كاسبكارە، لەم بارەیەوە بۆ میدیا وتی " كە سەیری ئەودرامایانە دەكەم جاری وا هەیە سوودی لێوەردەگرم و جاری واش هەیە نابێتە هوی سوود بەڵكو وەكو وانەیەكی لێوەردەگرم تاوەكو بزانم ئەو كارە باش نیە وە هەوڵی دووبارەكردنەوە نەدەم وە من جاران كەسەیری ئەو درامایانەم دەكرد لە دڵی خۆم دەموت بۆ منیش لاساییی ئەو كەسەی ناو دراماكان نەكەم وە هەرخۆشم دەموت، چۆن دەبێ كاری وابكەم، وە ئەو درامایانە بە تەنها كاری نەكردۆتە سەر گەنجەكان، بەڵكو گەورە و منداڵەكانی ئێستا زۆر متوی ئەو درامایەنابوونە، هەندێ جار مناڵەكان لە بەر دراماكان تا درەنگی شەو ناخەون هەر سەیری ئەو درامایانە دەكەن وە ئەمەش دەگەڕێتەوە سەر دایك و باوكان كە نەیڵن منداڵەكانیان وا لە زووەوە متووی ئەو درامایانە بن".
یاسین عەبدوڵڵای تەمەن (42) ساڵە فەرمانبەرە بۆ میدیا وتی" كاتی خۆی ئەو درامایەنە لە كەناڵەكان پێشكەش دەكران بە هیچ شێوەیەك دوبلاژی كوردی نەبوون، بەڵكو زمانی دیكە بەسەر كوردیدا زاڵ بوو، بەڵام ئێستا كە لە هەموو كەناڵەكان درامای دوبلاژكراوەكان هەیە وە بە زمانی كوردییە وە خەڵكیش زۆر سەیری ئەو درامایەنە دەكەن، ئەم سەیركردنە دەگەڕێتەوە سەر ئەو كەسەی كە سەیری دەكەن جا سوودی لێوەرگرن یان بۆ خۆشی تەماشای بكەن".
ئەڤین كاكە زیاد محەممەد بڕوانامەی ماستەری لە یاسای گشتی هەیە و شارەزا لەم بوارە بۆ میدیا لەسەر ئەم پرسە وتی "سەیركردنی ئەو درامایانە لەناوچەیەك بۆ ناوچەیەكی دیكە جیاوازی هەیە، رەنگە هەندێ جار لەناوچەیەكی دیاریكراو لاسایكردنەوەكان ببێتە هۆی دروستبوون و تاوان و كارەسات، ئەمەش دەگەڕێتەوە سەر ئەو دراما و فیلمە دۆبلاژكراوانە ئەگەر لە كۆتاییدا باسی پرسێك بكات ئاكام و دەرئەنجامەكان نیشان بدات و لەبینەر بگەینێ كەئەوە هەڵەیە و چارەسەری گونجاوی بۆ دیاریكات، ئەوە سوودی بۆ كۆمەڵگە دەبێت، بەڵام بەداخەوە زۆر كەس هەیە حەز بەلاساییكردنەوە دەكات، گومانی تێدا نییە، دراماكان لایانی باش و خراپی تێدایە و بینەر دەبێ زیرەك بێت، لایەنە باشەكە وەربگرێت و لەلایەنە خراپەكە دوور بكەوێتەوە، بەو واتایەی لاساییكردنەوە بۆ لایەنە باشەكان دەبێت، بەڵام كاتێ نمایشێك دەكرێ، ئەگەر بەهەڵە لاسایكرایەوە زەرەر بە كەسەكە و دەورووبەر دەگەیەنێ، كارێكی باشە ئەگەر تەمەنەكانیش دیاریبكرێن و دایك و باوكان رەچاوی ئەوە بكەن، هەندێ دراما و فیلم نابێ منداڵ سەیری بكەن".

كۆمێنتت له‌سه‌ر ئه‌م بابه‌ته‌