رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

میدیا - رەزوان عەبدولقادر

  بەهۆی ئەوەی برای هاوسەرەكەی زۆر دەستیان لەكاروباری وەردەداو نەیاندەهێشت، لەماڵی خۆی لەنێو خێزانەكەی بەئاسوودەیی بژی، بڕیار دەدات كۆتایی بەژیانی بهێنێت.

سەمیر پیاوێكی نەخوێندەواری تەمەن 45 ساڵەیە، خەریكی كاری كرێكارییە و زۆر بە قەناعاتەوە دەژی، هەرچەندە باری ئابووری تا رادەیەك باش نەبوو لەبەر ئەوەی خاوەن سێ منداڵ و هاوسەرە، كەچی لە بەدبەختی سەمیر خێزانەكەی بەناوی شەهێن ژنێكی زۆر بە پرتە و بۆڵە بۆڵ و گلەییە و داواكاری زۆر و هەموو كات دەیوت "من بێ بەختم تووشی پیاوێكی هەژار و فەقیر حاڵ بوومە و ناتوانم وەكو ژنی خەڵكی كەمێك بە خۆشی ژیان ببینم و بە ئارەزووی خۆم شت بكڕم" . سەمیریش سەرەرای هەڵچوون و توڕەی شەهێن، بەڵام هەر دڵنەوایی دەدایەوە و پێ دەڵێ" ئافرەت خوا كەریمە و دەرگای خێرمان لێ دەكاتەوە سوپاس گوزاری دەوێت ساغ و سەلامەتین و هیچ جۆرە نەخۆشییەكی درێژ خایەنمان نییە چی بەوانە دەلێی كەوا پارەشیان هەیە و نەخۆشی كوشندەیان هەیە و پارەكەشیان چارەسەریان ناكات". ئەوەی زیاتر سەمیری بێزاركرد و وای لێهات توڕەبێت، شەهێن رۆژانە شەڕ و ئاژاوەیەكی دەنایەوە و هات و هاواری لەسەر سەمیر دەكرد، سەمیریش هەموو كات هێوری دەكردەوە دەیوت لەبەرخاتری منداڵەكان با ژیانیان سەرگەردان نەبێت، ئەوەندە كێشە دروست مەكەو مەچۆ لای براكانت چی كێشەمان هەیە بۆیان باس دەكەیت و ئەوانیش هەر بمگەنێ سەركۆنەم دەكەن و وازمان لێناهێنن بەئاسوودەیی بژین.
لە رۆژێكی نیوەڕۆدا سەمیر بەهیلاكی بۆ نان خواردن لە كار دەگەرێیەوە، بەڵام شەهێنی ژنی هیچ خواردنێكی ئامادە نەكردووە، هەر بۆیە دەبێتە شەڕیان و لە شەهێن دەدات و سەری دەشكێنێ شەهێنیش بە گریان و سەر شكاوی دەچێتەوە ماڵی باوكی و كاتێك براكانی ئەو حالە دەبینن یەكسەر هەر چواریان دەچنە ماڵی سەمیر و زۆری لێدەدەن و نیوە مردووی دەكەن و دراوسێكیان بەهانەیەوە دێن و تەلەفۆن بۆ دایكی و براكانی دەكەن و دەیبەن بۆ نەخۆشخانە و لەوێش لەبەر گەورەنەبوونی كێشەكە، دەڵێن لەسەربانی بەربۆتەوە، بەهەر حال چارەسەری دەكەن و دەیبەنەوە ماڵەوە، سەمیر داوا لە دوو براكەی دەكات خۆیان ئامادە بكەن و بچنە سەر مالی باوكی شەهێن و تۆلەی خۆی لە براكانی بكاتەوە، كەچی براكانی سەمیر رەتی دەكەنەوە بچن و دەڵێن كارەكە تازە هاتووە تۆ لێبوردەبە، ئەو قسانە سەمیر خەفتبار دەكا و لە ماڵی خۆی دەریان دەكات دەڵێ بڕۆن ئێوە برای من نین، بەو حالەوە سەمیر هەر لە بیركردنەوە و دالغەلێدان دا دەبێ، كەوا چۆن تۆلەی خۆی بكاتەوە، هەر چەندە دەكا هیچ رێگایەك نابینێتەوە و باری دەروونی تێك دەچێت و شێت ده‌بێت، هەر بۆیە بڕیار دەدات خۆی بخنكێنێت، رۆژێكیان سێ منداڵەكەی دەباتەوە لای دایكی و چایەك دەخواتەوە و دایكی زۆر دڵی دەداتەوە و دەڵێ خەم مەخۆ خودا تۆلەت دەكاتەوە، خوا حافیزی لە دایكی دەكا و دەگەڕێتەوە ماڵی خۆی پەتێك ئامادە دەكا لە ژوورەوە بە پانكە هەڵدەواسی و لە ملی خۆی دەكا تەلەفۆن بۆ براكانی دەكا دەڵێ گەردنم ئازا بكەن، ئەوانیش گاڵتەی پێدەكەن و بۆ دایكیشی دەكات دایەگیان گەردەنم ئازا بكە، دایكی هاوار دەكا بۆ كوڕم چی بووە چی دەكەی لە ناكاو دەنگی مۆبایلكەی نامێنی و خۆی هەڵدەواسی لەو لاشەوە دایكی بە پەلە بەتاكسی دێتە ماڵی سەمیر سەیر دەكات جەستەیەكی مردوو بە پانكە هەڵواسراوە و بە یەكجاری كۆتایی بە ژیانی خۆی هێناوە.

كۆمێنتت له‌سه‌ر ئه‌م بابه‌ته‌