رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

 میدیا - رەزوان عەبدولقادر

  دوای ئەوەی ژیانی هاوسەری لەگەڵ كوڕێك پێكدەهێنێت، كوڕەكە ژیانێكی دیكە دروست دەكات و دووچاری چەندین كێشەو مەینەتیەكانی ژیان دەبێتەوە، ئەمە بەسەر هاتێكی راستەقینەیە و هاوسەرەكەی ئەم بەسەر هاتە تراژیدیایە بۆ خوێنەرانی میدیا دەگێرێتەوە.

 

ژیانێكی سادە و ئاسایی

ئاری پیاوێكی تەمەن 35 ساڵ وب اڵا بەرزی چاوشین بوو سیمایەكی گەنجانەی جوان و رێكی هەبوو هەر كەسێك سەیری بكردایە، دەیگوت ئەو پیاوە لە 25ساڵەی تەمەنی دایە، خێزانێكی بەختەوەری هەبوو، كە پێكهاتبوو لە چرۆی هاوسەری كە مامۆستا بوو، دوو كچ و كوڕێكی ژیكەلەی جوانیان هەبوو،خۆشی فەرمانبەر بوو لە دەزگایەكی حكومی .ژیانێكی خۆش و ئارامیان بەسەر دەبرد و هیچ كێشەیەكیان نەبوو، بەڵام ئەوەی لە ئاسۆ ڕوویدا هەرگیز لە پێشبینی چرۆ ی هاوسەریدا نەبوو، لەبەر ئەوەی لە بەختەوەری و خۆشیدا ژیانیان بەسەرد دەبرد و لە رادەبەدەر یەكتریان خۆشدەویست و بەخۆشەویستیەكی 5 ساڵە ژیانی هاوسەریان پێك هێنابوو.

سەرهەڵدانی كێشەكان

ئاری فەرمانبەر بوو دوای گواستنەوەی لە فەرمانگەكەی خۆی بۆ فەرمانگەیەكی دیكە، ماوەی 3مانگ لە دەوامكردن گۆرانكاریبەكی سەیر لە هەڵسوكەوت و ڕەفتاری بەدی دەكرا، لە رۆژان پێشتر زیاتر گرنگی بەخۆی وجلوبەرگی دەداوبۆنی خۆی خۆش دەكرد، ئەم جۆرە ڕەفتارانەش ببووە مایەی سەرنجی هاوسەرەكەی نەشیدەزانی هۆیەكەی چییە، چونكە پێشتر بە رادەیە خۆی رێك وپێك و پۆشتە نەكرد و بە جلێكی ئاسایی دەچوو بۆ دەوام .

"لە سەرەتادا پێم ئاسایی بوو بەڵام رۆژێكیان ژمارەیەكی نەناسراو تەلەفۆنی بۆ كردم و گووتی تۆ ئاگات لە هاوسەرەكەی خۆت نییە و بەئارەزووی خۆی رادەبویرێ و بەس ئەوەندە پێدەلێم ودایخستەوە منیش زۆر شلەژام ودڵم خۆرپەی كرد و رقم هەلسا لێی" ئەمە قسەی چرۆ ی هاوسەری ئاری بوو، زیاتر گوتی " دانم بەخۆم داگرت، گوتم لەوانەیە ئەو كەسە فیتنەچیبی، بیەوێ نێوانمان تێك بدات، بەڵام شەو رۆژ بیرم لێدەكردوە، ئەوەی زیاتر گومانی زیاد كردم، بەردەوام جلوبەرگی تازەی دەكڕی، بۆیە بڕیارمدا چاودێری بكەم لە نزیكەوە و رۆژێك لە ناكاو چوومە دائیرەكە و پرسیاری ئاریم كرد، گوتیان بەكار چۆتە دەرەوە منیش ویستم برۆم لە دەرگای دەرەوە ئافرەتێك تووشم بوو تۆ خێزانی ئاسۆی گووتم بەلێ ئەویش گووتی ئاسۆ ئێستا لەگەڵ شەرمینی فەرمانبەر چوونە پارك بەگوێ خۆم بیستم مشتومریان بوو لەسەر ئەوەی بچنە پارك یان كافتریایه‌كی قاوە خواردنەوە هەر لەوەی یەكسەر بەتاكسی چوومە پارك و بەچاوی خۆم بینم بەیەكەوە دانیشتوون و ساردی دەخۆم لە دووریەوە بە مۆبایلەكەم چەند وێنەیەكم گرتووە وهاتمەوە ماڵەوە كە لە دەوام گەرایەوە وێنەكانم پیشانداو گووتم ئەمە كێیە بێ هیچ قسەیەك كەوتە لێدانم و چەندین جنێوی ناشیرینی پێدام و گووتی تۆ جاسوسی و چاودێری من دەكەی و مۆبایلەكەی شكاند و گووتی لەلای هەر كەسێك قسە بكەیت تەلاقت دەدەم".

چرۆ زیاتر گوتی "هەر لەو رۆژەوە زانیم ناپاكیم لێدەكات و پەیوەندی هەیە لەگەڵ قەیرە كچێكی فەرمانبەر و بەڵێنیشی پێ داوە بیخوازێت و توانی ئەو پەیوەندییە تا6 مانگ بشارێتەوە، بەڵام دوایی هەرخۆی دانی نا كە پەیوەندی لەگەڵ كچێكی دەوڵەمەند هەیەو دەیەوێ هاوسەرگیری لەگەڵ بكات، تەنها چاوی بڕیبووە ماڵ و پارەكەی بەهەر جۆرێك بێت خواستی بەنهێنی لە دەرەوەی دادگا مارەبڕی و گواستیەوە و هەفتانە چەند شەوێك نەدە گەڕایەوە ماڵەوە و وەك جاران هیچ گرنگیەكی بە خێزان ومنداڵەكانی نەدەدا، بە ئاشكرابوونی ئەو مەسەلەیە شەڕ و ئاژاوە و ناكۆكی كەوتە نێوان من و ئاری". ئەم گرفتە چەند مانگێكی خایاند و بینەو بەردەی هەردوو خێزان و شەڕ و ناخۆشی كەوتە نێو هەردوو بنەماڵە و كارەكە بێ ئەنجام بوو، بۆیە بریاریاندا بە دادگا ئەو كێشەیە یەكلایی بكەنەوە

سكاڵاكردن لە دادگا

لە درێژەی قسەكانی دا چرۆ گووتی "چەند هەوڵم لەگەڵیدا واز لەو ژنە بێنی و بگەڕێتەوە ماڵەوە، بەڵام سوودی نەبوو بەتوندی وەڵامی دامەوە و چەند شەقێكی لێدام دوای ئەم ڕەفتارەی منیش لە دادگا سكالام لەسەر تۆماركرد،پاش لێكۆلینەوەیەكی وردو دەركەوتنی ڕاستییەكان دادگا بڕیاری زیندانی بۆ ئاری دەكرد، ئەوە بوو ئاری بەناچاری پەنای بردە بەر پارێزەرێك و دوای بەدواداچوونێكی زۆری كێشەكە،  پارێزەركە هەڵوێستی ئاری پێ راگەیاندم كە ئامادەیە ژنەتازەكەی تەلاق بدات، بە مەرجێك پاشگەزبێتەوە لە داوا و سكالاكەی دوایی دانیشتن وراوێژ لە گەڵ پارێزەركەم رەزامەندی خۆم نیشاندا، مەرجەكانمی جێ بەجێكرد، ژنە تازەكەی تەلاقدا، دواتر ژنەكە داوای یاسایی لەسەر تۆماركرد و پاش ئەوەی دوو مانگ مانەوە لە بەندیخانە، دادگا برێك پارەی لێسەندو بە كەفالەت ئازادكرا، ئینجا خەریكی چارەسەری كێشەی یاسایی ژنی دووەمی بوو دوایی زەرەرێكی زۆری ماددی و مەعنەوی رزگاری بوو لە كێشەكەو وازی لە ژنەكە هێنا بە یەكجاری و گەڕایەوە نێو ماڵ منداڵەكانی بەڵام بەگشتی كاریگەری هەر ماوە لە سەر خێزانەكەمان ئەم بەسەرهاتە وەك پەندو وانەیەكە بۆ ئەو پیاوانەی بیر لە ژنی دەوڵەمەندو خاوەن پارە دەكەنەوە" ئاكامی باش نابێت و چارەسەری تەواوی پێناكرێت.

 

  • لەسەر داوای خۆیان ناوەكان خوازراون.

كۆمێنتت له‌سه‌ر ئه‌م بابه‌ته‌