رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

     میدیا - ژیلە ئامانج

پاك و خاوێنی ژینگە واتا تەندروستییەكی باش و هەوایەكی ساف و بێگەرد و دوور لەدەردو بەڵاو میكڕۆب، بەڵام ژینگەی كوردستان رێك پێچەوانەی ئەو رستەیەی سەرەوەیە، كە هۆكاری ەسەرەكی دەگەڕێتەوە بۆ خەڵك، كە پابەند نین بەرێنماییە ژینگەییەكان.

ئاسۆ شكاك سەرۆك رێكخراوی ئاڤیاری هۆشیاری ژینگە"هۆكاری پیس بوونی ژینگە بەشێوەیەكی گشتی مرۆڤ هۆكاری سەرەكییە، چونكە هەر مرۆڤ دروستكەر و بەكارهینەرە، وەك پاڵاوگەكان و كۆمپانیاكان، كە مرۆڤ دروستی دەكات و بەكاری دەهینێت بەشێوەیەكی ناتەندروست، كە دەبێتە هۆی پیس بوونی ژینگەو ناوچەكان و كۆمپانیاو شوێنە حكومی و ناحكومیەكان، واتا وەبەرهێنەران بەشێوەیەك هاوكار نین لەپاكڕاگرتنی ژینگەی شارو لادێیەكان، بۆیە دەبێتە هۆكار بۆ لەناوبردنی سەوزایی لە كوردستان، ئێمە وەك رێكخراوی ئاڤیاری هۆشیاری ژینگە، توانیومانە بەشێك لە دانیشتوانی هەرێمی كوردستان رابێنین كە پاشماوەكانیان فڕێ نەدەنە سەر شەقام و شوێنە گشتییەكان، بەرنامەیەكی نوێشمان هەیە، كە بەرنامەیەكی دوورو دریژە بۆ پاك راگرتنی ژینگە، هەموو 15 رۆژ جارێك گرووپەكانمان لە قوتابخانە بێت یان زانكۆ یان دام و دەزگاكان هەڵمەتێك دەكەین، چەندین چاڵاكی و سیمینارمان كردووە لەناوەندەكانی خویندن و دەزگا حكومیەكان و زانكۆ، لەگەڵ ئەم چاڵاكییانەش لەڕێگەی پەڕاوگەی هەردی لە شەقامی سمكۆ مەنتك بەرنامەی دووبارە بەكارهینانەوەمان داڕشتووە كە هەر كەسێك دیاری لای ئێمە وەربگریت، كاتیك زەرفەكە دەگەڕێنێتەوە 50 پەڕی A4 بەخۆڕایی بۆ كۆپی دەكرێتەوە لەگەڵ چەندین چاڵاكی هەڵمەتی پاككردنەوەو بەدواداچون لەسەر پرسی ژینگە، پێویستە بۆ پاك راگرتنی ژینگە هەموو لایەك هەوڵی بڵاوكردنەوەی پاك و خاوێنی ژینگە بدات، پێویستە سزای ئەو كەسانەش بدرێت كە هەولی تێكدانی ژینگە دەدەن، یاساكانی تایبەت بە ژینگە گرنگی تری پێبدریت و هەوڵی دروست كردنی پەیوەندی خۆشەویستی نێوان ژینگە و تاك بدرێت لەپێناو پاراستنی ژینگەی كوردستان".
بەهەمەن عومەری رۆژنامەنوس ده‌ڵێ" پێویستە هاوڵاتیان چۆن ماڵەكانیان لەپیس بوون دەپارێزن ئاوا پێویستە لەدەرەوەش هەوڵی پیس نەبوونی ژینگە بدەن، لەئێستادا ژینگە پرسێكی جیهانییە و یەكێكە لەو بابەتانەی كە زانایان پێیان وایە بەردەوامی پیسكردنی ژینگە كاریگەری مەترسی لەسەر كوێ ژ یانی مرۆڤەكان دەبێت، بۆیە لەئێستادا كاریگەری دەركەوتن لەزیادبوونی رێژەی بەبیابان بوون لەهەندیك شوێن و زۆر بوونی لافاو لەهەندێك شوێنی دیكەی جیهان و هەمان كات تێكچونی سیستەمی دابارین لە زۆر شوێنی دیكەدا پەیدابووە، ئەوە جگە لەوەی لەئاستی ناوەخوی وڵاتان بایەخێكی گەورە بە ژینگە دەدرێت هەر لەخاك و ئاو و هەوا تا پاراستنی ئاژەڵ و دارستانەكان، ئەم بایەخە زۆرە بە ئەندازەیەك رۆیشتووە لە هەندێك وڵاتانی پێشكەوتوو كەپاراستنی ژینگە بە پارتی سەوزایی ناسراون پلەی یەكەم بەدەست دەهێنن لە هەڵبژاردنەكانیان، ئەمە واتا گرنگی پرسی پاراستنی ژینگە دەگەیەنێت لەژیانی وڵاتە پێشكەوتووەكان، سەبارەت بەرەوشی پاراستنی ژینگەش لە كوردستان ئەم لایەنە وەكو زۆربەی لایەنەكانی دیكە ژیان، پەراوێز خستنی زۆری پێوە دیارە، كوردستان لە دوو لاوە زەرەرمەندە وەك بەشێك لە كۆی سیستەمی ژینگە".
ئەحمەد تارق خوێندەڤانی زانكۆ سەبارەت بە پاك راگرتنی ژینگە بۆ میدیا وتی" بەڕاستی هۆكاری پیس بوونی ژینگە زۆری دەگەڕیتەوە بۆ سەر خەڵك، لەبەر ئەوەی بە پێی پێویست ئەم كۆمەڵگه‌یەی ئێمە زۆر گرنگی بەپاك راگرتنی خاكەكەیان نادەن، پێویستە كە چۆن ژینگەی ماڵەكانمان لە پیس بوون دەپارێزین ئاوا پێویستە ژینگەی دەرەوەش بپارێزین لەپیس بوون، لەبەر ئەوەی تا چەند حكومەت كرێكار دابنێت بۆ پاك راگرتنی شۆستەكان ئەوا ئەوان با هەر پاكی بكەن، كە خەڵكەكە شتێكی فڕێداوە سەر زەوی ئەوا وەكو خۆیی لێدێتەوە و بە هیچ شێوەیەك بیری ئەو كرێكارانە ناكەن، كە ماندوو دەبن بۆ خاكەكەیان كەچی ئێمە شتێكمان لەدەست دابێت لەجیاتی بیخەینە تەنەكەی خۆڵ لەسەر زەوی توڕی هەڵدەدەین و فرێی دەدەین، ئەمەش كاریگەری زۆری لەسەر ئەم پیس بوونە دەبێت و دەبێتە هۆی پەیدا بوونی بەكتریاو لەوانەیە زۆری كەس هەستیار بێت بە پیس بوون ببێتە هۆی نەخوشی، هیوام دارم لەهەموو لایەك لە كۆمەلگای ئێمەدا بە گیانی تەبایی و هاوكاری ئەركی پاك راگرتنی ژینگە لەبەر چاو بگرن و هەمیشە بە پاكی بیهێڵنەوە".
نەوزاد سوارە مامۆستای یەكێك لە خوێندنگه‌كانی شاری هەولێرە دەڵێت" ئیمە وەكو پیشەی مامۆستا ئەوا ئەركی پاك و خاوێنی لەئەستۆی خۆمان دەگرین و هەر لەسەرەتاوە قووتابییەكان وا فێر دەكەین پێش هەموو شتێك دەبیت پاك و خاوێنی شارەكەمان رابگرین، هەروەها فێریان دەكەین كە كەسیك شتێك فڕێ بداتە سەر زەوی ئەوا ئەوان هەوڵی ئەوە بدەن كە پێی بڵێن لەجیاتی فرێدەیە سەر زەوی ئەوا فرێی بدە ناو تەنەكەی خۆڵەكە، بەمجۆرە دەكرێ نەوەیەكی نوێ و ئاشنا بەپاكراگرتن و خۆشویستنی ژینگە پەروەردە بكەین، ئەم منداڵانە تا گەورە دەبن هەست بەبەرپرسیارێتی دەكەن و هەوڵی ئەوە دەدەن هەموو كات وڵاتەكەیان خۆش بوێت و بە پاكی رایبگرن، لە ئێستادا زۆربەی رێكخراوەكان هەوڵی پاك راگرتنی ژینگە دەدەن و هۆشیاری دەدەنە خەڵك لەهەموو كاتێكدا، بەتایبەتی لەكاتی نەورۆز، چەندین رێنمایی و ریكلام دەكەن كەپێویستە پاك و خاوێنی ژینگە لەبەر چاو بگرین ئەمەش هەوڵێكی باشە، ئەمە وا لەهەموو كەسێك دەكات هەست بەبەرپرسیارێتی خۆی بكات".

كۆمێنتت له‌سه‌ر ئه‌م بابه‌ته‌