رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

      میدیا - رەزوان عەبدولقادر

ئاسۆ گەنجێكی رەش ئەسمەری باڵا بەرز بوو و لە خێزانێكی هەژار پەروەردەكرا بوو هەر لەبەر هۆی هەژاری نەیتوانیوی درێژە بەخوێندن بدات و هەرچۆنێك بێت تا پۆلی شەشەمی سەرەتایی تەواوكردو دواتر لە خوێندن دابراو خەرێكی كاری عەمبالی دەكرد بۆ ئەوەی بژیوی خێزانەكەی دابین بكات.
 رۆژگار هات و رۆیی دوای 3 ساڵ خێزانی پێكهێنا و ژیانێكی سادە و ساكاری بەسەردەبرد، دوای هەوڵێكی زۆر توانی ببێتە پێشمەرگەو مانگە 10 رۆژێك دەوامی بكات، ئەمە تارادەیەك بژیوی ژیانی باشتر كردبوو، لەگەڵ ئەوەی پێشمەرگە بوو، ئەو رۆژانەی دەوامی نەبوو، لەكۆمپانیایەك وەكو عەمبال كاری دەكرد، چەند ساڵێكی بەم جۆرە گوزەراندو لەم ماوەیەشدا ببووە باوكی دوو كوڕ و كچێك، كە شەڕی نەگریسی داعش یەخەی كوردی گرت، وەك ئەركێكی نیشتمانی و نەتەوەیی لەسەنگەری پێشەوەی بەرگریدا جێگای خۆی قایمكرد، بۆ بەرگری كردن لەخاكی كوردستان، ئاسۆ هەردەم دەیگووت لەپێناو كوردستان شەهید دەبم،سەرباری ئەوەی ئەو رۆژە كەمانەی دەهاتەوە لەشەڕ، ئەو هەر خەریكی كاری عەمباڵییەكەی بوو، چونكە لەخانوویەكی بەكرێدا بوو، دوو منداڵی شیرە خۆرەیشی هەبوو، پێویستیان بەخەرجی هەبوو، ئاسۆ لەو لەكۆمپانیایەی كاری تێدا دەكرد، كاری ئەو رۆژانە شتومەكی بار دەكردو دەهێناخوارێ، ئامانج لەوكاركردنەیشی زیاتر لەخەمی كرێی خانوو دابوو، هەرچۆنێك بێ برێك پارە پەیدا بكات و كڕێی خانوو بدات، تاخاوەن خانوو دەری نەكات، هەروەك دەشیزانی مووچە بۆتە 3 مانگ جارێك و ئەركێكی قورسی لەشەرشانە، پیشەی ئاسۆ لەسەنگەرەكانی پێشەوە بۆ كۆمپانیاو لەكۆمپانیاش بۆ سەنگەرەكانی پێشەوە، شەوانیش ئەگەر لەدەوام نەبووایە بەجەستەیەكی ماندوو رووی لەماڵەكەی دەكردەوە و پشوویەكی لەگەڵ ماڵ منداڵەكەی دەداو چایەكی رەش و دوو زەردەخەنە، بەڵام زەردەخەنەكان تا ئەبەد بەردەوام نەبوون، ئەو كۆمپانیایەی ئاسۆ كاری تێدا دەكرد، هەرەسی هێناو پارەی نەما، بەم هۆیەوەش زۆرێك لەكرێكارەكان بێكار مانەوەو كرێی دوو مانگی كاریان لەكۆمپانیا مایەوە، خاوەن كۆمپانیاكە بەئاسۆو هاوڕێكانی گوت" پارەمان نەماوە، هەر كاتێك پارەمان دەستكەوت پێتان دەدەین، ئێمە كرێی دوو مانگی ئێوە قەرزارین، هەركاتێكیش كارمان هەبوو تەلەفۆنتان بۆ دەكەین، ئێستا ئێوە بڕۆنەماڵ"، ئەمە ئاسۆی خەمبارتر كرد، چونكە نەیدەتوانی كرێ خانووەكەی بدات، چەند جارێك خاوەن خانووەكە ئاگاداری كردبۆوە خانووەكە چۆل بكات، بەڵام ئاسۆ شوێنێك نەبوو رووی تێ بكات، بەناچاری گەڕایەوە دەوام و بەرەی شەڕكردن و بیریشی هەر لای ماڵ و منداڵەكەی بوو، نەكا خاوەن خانووەكە دەریان بكات، دوای هەفتەیەك لەدەوام خێزانەكەی تەلەفۆنی بۆ ئاسۆ كردو پێ گووت "خاوەن خانووەكە دەریكردووین و ئێستا لەژوورێكی ماڵی باوكت ماڵەكەمان داناوە"، خانووەكەی ماڵی باوكی ئاسۆش زۆر بچووك بوو، ئەمە ئاسۆی زۆر بیتاقەت كردبوو، كاتێك دەوامەكەی تەواو بوو، گەڕایەوە ماڵەوە بەخەمباری و تەنیا سێ هەزار دیناریشی لە گیرفان بوو، دەیزانی سەرباری بێ جێگایی، منداڵەكانی پێویستیان بەشیرو دایبیە، لە ماڵەوەش خێزانەكەی پێیوت هیچیان نیە، بۆیە دەبێ لەئێستاوە بچی بۆ كاركردن لایەنی كەم خەرجی منداڵەكان دەستەبەر بكەیت، ئاسۆش بەكۆلێك خەمەوە چووە دەرەوە چەندین شوێن گەرا ئیشی دەست نەكەوت و بێ هیوایی سیمای داگیركرد، رووی لەپاركێك كردو لێی دانیشت، بیری لەگشت گرفتەكان ئەو قەرزە زۆرەی لەسەریەتی دەكردەوە، دواجار بیری خۆكوشتن چووە سەری، تا بەیەكجاری رزگاری بێت لەمەینەتییە زۆرەكانی ژیان، بۆ ئەو مەبەستە دەچێتە سەر زێ گەورەو خۆی بەئاوی داداو بەیەكجاری ماڵئاوایی لەژیان دەكات، دواجار خەم و مەینەتییەكان دەكاتە دیاری بۆ سێ منداڵەكەی و خێزانەكەی، بەمەش خەمێكی گەورە و پێشكەش بەهەڤاڵان و منداڵەكانی دەكرد، هەڤاڵانی پێیان ناخۆش بەم شێوەیە كۆتایی بەژیانی هێنا، لەبەر ئەوەی پێشمەرگەیەكی ئازا بوو، خاك و وڵاتەكەی و خێزانەكەی زۆر پێویستیان پێی بوو، نەدەبوایە پەنا بۆ خۆكوشتن ببات، لەبەر ئەوەی دەرگایەكی خۆشی هەر بۆی دەكرایەوە.

كۆمێنتت له‌سه‌ر ئه‌م بابه‌ته‌