ميديا – وه‌رزش

 

لە یاریێکی دواخراوی ھەفتەی دەیەمی خولی بژاردەکانی عێراق یانەی ھەولێر سەرکەوتنی بەدەست ھێنا.

 لە یاریگای شەھید فەرەنسۆ حەریری یانەی ھەولێر میوانداری یانەی تەڵبە کرد ، تیادا یانەی ھەولێر بە دوو گۆلی بێ بەرامبەر سەرکەوتنی بەدەست ھێنا.

گۆلەکانیش لە رێگای یاریزانان لوئەی سەڵاح ، ھەردی سیامەند لە خولەکەکانی ٧٠ ، ٨٦ تۆمارکرا.

یاریزانی یانەی ھەولێر بورھان ئەحمەد لە خولەکی ٧٦ بە کارتی سوور دەرکرا ، یاریزانی یانەی تەڵەبە کەرار جاسم لە خولەکی ٧٣ بە کارتی سوور دەرکرا.

بەم سەرکەوتنەش یانەی ھەولێر کۆی خاڵەکانی بەرزکردەوە بۆ ٢٠ خاڵ لە ریزبەندی دووەمی خولی بژاردەکانی عێراق مایەوە ، و یانەی تەڵەبە بە کۆکردنەوەی ١٥ خاڵ بە شێوەیێکی کاتی لە ریزبەندی سێیەمی مایەوە