رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

وا بڕیارە لە رۆژی (10/2/2015) بەفەرمی شاندی یەكێتی تۆپی پێی ئاسیا و یەكێتی تۆپی پێی نێودەوڵەتی سەردانی شاری هەولێر بكەن، بەمەبەستی پشكنینی یاریگای شەهید فرەنسۆ هەریری و هۆتێل و شوێنەكانی تری ئەم شارە، بۆ گەرانەوەی یارییەكانی یانەی هەولێر لە جامی یەكێتی ئاسیا بۆ شاری هەولێر


ئەم شاندە لە پێنج كەس پێكهاتووە و ماوەی چوار رۆژ لە شاری هەولێر دەمینیەوە و سەرەتای كارەكانیان لە رۆژی یەكەم، تەنیا سەیركردنی هۆتێلەكانی هەولێری پایتەختە و لە رۆژانی دواتریش سەیركردنی یاریگا و شوێنەكانی تری هەولێرە.


شاندەكە لە پێنج كەسایەتی ئەمنی و لێژنەی پێشبركێەكان پێكهاتووە، كە بەسەرۆكایەتی عەدنان جەندی بەرپرسی ئەمنی لە یەكێتی تۆپی پێی ئاسیا و برایان جۆنسۆن بەرپرسی لێژنەی پێشبركێەكانی یەكێتی تۆپی پێی ئاسیا و شاهین رەحمانی بەرێوەبەری ئەمنی لە یەكێتی تۆپی پێی ئاسیا و بەهندی هیردالید كارمەندی ئەمنی لە یەكێتی تۆپی پێی ئاسیا و و هلمت سلفان بەرپرسی ئەمنی نێودەوڵەتی گشتی.


راپۆرتی ئەم شاندە دەبێتە یەكلاكەرەوە بۆ گەرانەوەی یارییە نێودەوڵەتیەكان بۆ هەولێری پایتەخت و هەردوو یانەی هەولێر و شورتە سوودمەندی یەكەمی ئەم بڕیارە دەبن
.
یانەی هەولێر لە كۆمەڵەی سێیەمی جامی یەكێتی ئاسیا شانبەشانی یانەكانی ( ئیستقلال تاجیكستان، یانەیەكی كوەێتی، یانەیەكی سەركەوتوو لە یارییەكانی پاڵاوتن) یاری دەكات و یانەی هەولێر یەكەم یاری خۆی لەگەڵ یانەی ئیستقلال تاجیكستان لە تاجیكستان یاری دەكات لە رۆژی (25/2/2015).

وەرزی ڕابردوش وەفدێکی یەکێتی تۆپی پێی ئاسیا و جیهان سەردانی شاری هەلێریان کرد، بۆ ئەوەی یارییەکانی یانەی هەولێر لەجامی یەکێتی ئاسیا بگەرێتەوە بۆ یاریگای خۆی، بەڵام وەفدەکە بریاری کۆتای لەبەژەوەندی یانەی هەولێر نەدا.

سەرچاوە: ڕاگەیاندنی یانەی هەولێر

 

كۆمێنتت له‌سه‌ر ئه‌م بابه‌ته‌