رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

 

  یانەی قەتەڕ ، وەڵامی یەکێتی تۆپی پێی عێراق دەداتەوەو ئامادەیە بە مەرج دەستبەرداری ڕازی شنیشلی ڕاهێنەری یانەکەیان بێت بۆ گەڕانەوەی بۆ هەڵبژاردەی عێراق.

لە لێدوانێکی ڕۆژنامەوانیدا ، فالح موسا ، ئەندام لە یەکێتی تۆپی پێی عێراق ڕایگەیاند ، یانەی قەتەڕ وەڵامی یەکێتییەکەیانی داوەتەوەو ئامادەن بە مەرجی نرخی هەڵوەشاندنەوەی گرێبەستی ڕازی شنیشل ، دەستبەرداری ئەو ڕاهێنەر عێراقییەیان ببن.

بە پێی لێدوانەکەی فالح موسا ، یانەی قەتەڕ داوای یەک ملیۆن دۆلاری ئەمریکییان کردووە ، تاکوو گرێبەستی ڕازی شنیشل هەڵوەشێننەوەو ، ڕەوانەی هەڵبژاردەی عێراقی بکەن.

موسا سەبارەت بە داواکاری یانە قەتەڕییەکە کە داوای ملیۆنێک دۆلار دەکەن تاکوو دەستبەرداری شنیشل بن دەڵێت : ئەو بڕە پارەیە زۆرەو ئەوان وەکوو یەکێتی تۆپی پێی عێراق ناتوانن دابینی بکەن.

هەروەها وتیشی ، ئەگەر هاتوو نەیانتوانی لەسەر گواستنەوەی شنیشل ڕێکبکەوتن ، ئەوا لە ماوەی داهاتوودا هەوڵدەدەن ڕاهێنەرێکی نوێ دیاری بکەن و لەسەر ئەوەش ڕێککەوتون کە ڕاهێنەری بیانی نەهێنن ، بەڵکو لەناو وڵاتەکەیاندا ڕاهێنەرێک دیاری دەکەن.

 

كۆمێنتت له‌سه‌ر ئه‌م بابه‌ته‌