بەپێی ئاماری ساڵی 2014ی پۆلیسی سلێمانی حاڵەتەكانی كوشتنی بە ئەنقەست و ونبونی مرڤ و دزی موبایل و ماتۆرسكیل بە بەراورد بە ساڵی 2013 زیادی كردووە .

سەركەوت ئەحمەد وتەبێژی پۆلیسی سلێمانی ڕایگەیاند: 58 حاڵەتی كوشتنی بە ئەنقەست و 106حاڵەتی ونبونی مرۆڤ و 416 حاڵەتی دزینی موبایل و 108 حاڵەتی دزی ماتۆرسكیلیان لە ساڵی 2014دا تۆمار كردووە ، وتیشی: بە بەراورد لەگەڵ ساڵی 2013 تەواوی ئەو حاڵەتانە زیادی كردووە و خۆكوشتنیش 51 حاڵەت بووە كە یەكسانە بە ڕووداوەكانی 2013.

لە ئامارەكەی پۆلیسی سلێمانیدا هاتووە: لە ساڵی 2014دا 420 حاڵەتی دزینی منداڵ و 8 حاڵەتی ڕفاندن و 19 حاڵەتی لەشفرۆشی و 655حاڵەتی خراپ بەكارهێنانی موبایل تۆمار كراون ، كەئەمانەش بەبەراورد لە گەڵ 2013دا كەمی كردووە .