رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

میدیا _ مەخموور:
ڕۆژى ١٢ / ١٢ / ٢٠١٧، سکرتێرى گشتیى YNDK سەردانى کەمپى ئاوارەکانى باکوورى کوردستانى لە مەخموور کردو، سەرەخۆشى و هاوخەمى بە ماڵباتى شەهیدان و دانیشتووانى كەمپى مەخموور راگەیاند.
غەفوور مەخمووری سكرتێری گشتیی یەكێتی نەتەوەیی دیموكراتی كوردستان YNDK بە یاوەرى هەڤاڵ فاخیر نانەکەلى کارگێڕى مەکتەبى ناوەندى پەیوەندییەکانى YNDK و، هەروەها شاندێکى باڵاى حیزب و لایەنە سیاسییەکان و کەسایەتییەکانى باشوورى کوردستان کەوا ئەندامن لە کۆنگرەى نەتەوەیى کوردستان KNK، بەمەبەستى دەربڕینى هاوخەمى و سەرەخۆشى بۆ ماڵباتى شەهیدان و هەواڵپرسینى ئەو بریندارانەى کەوا رۆژى ٦ / ١٢ / ٢٠١٧ لە ئەنجامى هێرشى ئاسمانى رژێمى تورکیا بۆ سەر کەمپى مەخموور(کەوا بە وارگەى شەهید رۆستەم جودى ناسراوە) شەهید و بریندار ببوون کە ژمارەیان ٥ شەهید و ١٢ بریندار بوون، سەردانى کەمپى ئاوارەکانى باکوورى کوردستانيان لە مەخموور کردو، زۆر بەگەرمى لەلایەن بەڕێزان (هاوسەرۆکانى ئەنجوومەنى گەل و هاوسەرۆکانى ئەنجوومەنى شارەوانى و ماڵباتى شەهیدان و ژمارەیەکى زۆر لە دانیشتووانى کەمپى مەخموور) پێشوازیکران و، هاوسەرۆکى ئەنجوومەنى گەلى کەمپى مەخموور لە وتەیەکیدا بەخێرهاتنى هەموو لایەکى کردو خۆشحاڵى خۆیانى بۆ ئەو سەردان و بەسەرکردنەوەیە دەبڕی.
غەفوور مەخموورى سکرتێرى گشتیى YNDK، لە سەردانەکەدا سەرەخۆشى و هاوخەمى گەرمى خۆى و سەرکردایەتیى YNDK ى بە ماڵباتى شەهیدان راگەیاند و هیواى زووچاکبوونەوەشى بۆ بریندارانى ئەو کارەساتە خواست و، وتى: (ئەو شەهیدانەى لەم کارەساتەدا شەهید بوون بە تەنیا شەهیدى کەمپى مەخموور نین بەڵکو شەهیدى تەواوى کوردستانن، هەر بۆیەشە تەواوى کوردستان بۆیان خەمبارەو هاوخەمى ئێوەیە، لەبەرئەوە من لێرەوە لە پێشەوە سەرەخۆشى لە خۆم دەکەم ئینجا لە ئێوەى ئازیزو خۆشەویست، ئێمە بە توندى ئەو کارەساتە دژ بە مرۆڤایەتییە شەرمەزار دەکەین، بە باوەڕى ئێمە باشترین وەڵام و تۆڵە بۆ خوێنى شەهیدانى ئەو کارەساتە و لە بەرامبەر دوژمنان و داگیرکەرانى کوردستان یەکڕیزى و یەکێتى نەتەوەییمانە، بۆیە لەسەر هەموو لایەکمانە بەو ئاراستەیەدا کار بکەین.). دواتر سەردانى شوێنى کارەساتەکەیان کرد و لە نزیکەوە وێرانکارییەکانیان بینى کەوا لە ئەنجامى هێرشى ئاسمانى فڕۆکەکانى تورکیا بۆ سەر کەمپى مەخموور وێران ببون.
شایانى باسە پێشتریش رۆژى ٧ / ١٢ / ٢٠١٧ سکرتێرى گشتیى YNDK سەبارەت بەم کارەساتە پەیامێکى راگەیاندبوو، کە ئەمە دەقەکەیەتى:

پەیامى هاوخەمى غەفوور مەخموورى سکرتێرى گشتیى YNDK بۆ دانیشتوانى کەمپى مەخموور
دانیشتوانى کەمپى مەخموور هاوخەمتانین
سڵاو و رێزو خۆشەویستیم بۆ هەموو لایەکتان هەیە ...
دەستى پیرەمێردو پیرەژنەکانتان و چاوى گەشى منداڵەکانتان ماچ دەکەین، دەستى کچ و خورت و یەکەیەکەى دانیشتوانى کەمپ بە گەرمى دەگوشین، هێرش و پەلامارى دوێنى شەو بۆ ئێوەى ئازیز لەناخەوە ئێمەى هەژاند و دڵتەنگى کردین، ئەو هێرش و پەلامارە بۆ سەر ئێوەى خوشک و برایانی باکوورى کوردستان لە کەمپى مەخموور بەتوندى ئیدانەو مەحکوم دەکەین و، سەرى رێز بۆ شەهیدەکان دادەنەوێنین و هیواى زووچاکبوونەوەش بۆ بریندارەکان دەخوازین.
بێگومان ئێوە کەس و کار و ئازیزى ئێمەن و هێرش بۆ سە ر ئێوە هێرشە بۆ سەر ئێمەو تەواوى مەخموورییەکان و خەڵکى کوردستان.
_ نەمرى و سەربەرزى بۆ شەهیدانى ئەم کارەساتە و تەواوى شەهیدانى رێى سەرخۆبوون و ئازادى کوردستان.
_ سڵاو لە خۆڕاگریتان.

دڵسۆزتان
غەفوور مەخموورى
سکرتێرى گشتیى
یەکێتى نەتەوەیى دیموکراتى کوردستان YNDK
٧ / ١٢ / ٢٠١٧ هەولێر _ کوردستان

كۆمێنتت له‌سه‌ر ئه‌م بابه‌ته‌