رۆژنامەی میدیا

Share this on Faceook

Follow us on Twitter

   هه‌ولێر          دهۆك       سلێمانی
FacebookTwitterGoogle BookmarksPinterest
Pin It

Facebook

Twitter

Google Plus

YouTube

نووسینى: غەفوور مەخموورى

کارکردنى ئافرەت لە کایەکانى ژیان لە کۆمەڵگەى کوردستاندا بێ گرفت نەبووە؛ ئافرەت لە کۆمەڵگەى کوردستان رووبەڕووى چەندین ئاستەنگ بۆتەوەو دەبێتەوە، ئەوەش دەگەڕێتەوە بۆ شێوازى تیگەیشتن و بیرکردنەوەى کۆمەڵگە بەرامبەر بە ئافرەت، زۆربەى جارەکانیش ئافرەت دەبێتە قوربانى ئەم شێوازە تێگەیشتنەى کۆمەڵگە، لێرەدا دەمەوێ باس لە شێوازێکى توندو تیژى دژ بە ئافرەتان بکەم کە ئەویش (توندوتیژى نەرم)ە، هەوڵدان بۆ خاپاندنى ئەو ئافرەتانەى کەوا لە بوارەکانى ژیاندا کاردەکەن لەلایەن پیاوانەوە بۆ تێرکردنى حەزەکانیان یەکێکە لەو شێوازانەى کەوا دەتوانین ناوى بنێین (توندوتیژى نەرم)، زۆر جار خۆشباوەڕى ئافرەتان هۆکاربووە بۆ روودانى ئەم حاڵەتە, بێگومان لە ئەنجامى روودانى ئەم حاڵەتەشدا زۆر جار ئافرەتەکە زیانمەند بووە؛ ئەوەش خۆى لەخۆیدا دەستدرێژییەکى راستەوخۆیە بۆ سەر ئافرەتان و لەڕێى فێڵ و درۆ و خاپاندنەوە جێبەجێدەکرێت.
زۆر گرنگە بە چاوێکى یەکسان و رێزلێگیراو مامەڵەکردن لەگەڵ ئافرەت بکرێت، بۆئەوەى ئەویش بتوانێت ئەو توانایەى کە هەیەتى لە خزمەتى کۆمەڵگەدا بەکاریبهێنێت، بۆیە لەسەر هەموو لایەکمانە شکۆى ئافرەت بپارێزین و هەوڵبدەین رۆڵى کاراتر بگێرن لە خزمەتکردن و بنیاتنانەوەى وڵات، ئەوەش بەوە دەکرێت کەوا خۆمان لە جیاوازى رەگەزى و رۆحیەتى پیاوسالارى بپارێزین، روانینمان وابێت کەوا دەستدرێژى بۆ سەر ئافرەتان واتە دەستدرێژى بۆ سەر مرۆڤایەتى، خاپاندنى ئافرەتان واتە دوورکەوتنەوە لە بەهاکانى مرۆڤایەتى؛ واتە شکاندنى هەیبەت و شکۆى مرۆڤ!
بەداخەوە تا ئێستاش لە کوردستان بە شێوازێکى رواڵەتییانە مامەڵە لەگەڵ پرسى ئافرەتاندا کراوەو؛ تەواوى ئەو رێخراوانەى کەوا لە بوارى وەدەستهێنانى مافەکانى ئافرەتاندا کاردەکەن لەژێر سێبەرى حیزبدان، عەقلیەتى حیزبیش لە کۆمەڵگەى کوردستاندا عەقلییەتێکى پیاوسالارییە، بۆیە تا رێکخراوەکانى ئافرەتان ئازاد نەبن لە یەک چوارچێوەدا دەخولێنەوە ناتوانن گۆڕانکارى مەزن ئەنجامبدەن، بۆیە پێویستە رێکخراوەکانى ئافرەتان تواناکانیان یەکبحەن و هەوڵى ئەوە بدەن لە قەفەزى حیزبەکان بێنەدەرەوە و بۆ پاراستنى شکۆى ئافرەت و وەدەستهێنانى مافەکانى خۆیان خەبات بکەن، بێگومان ئەگەر بتوانن ئەمە بکەن؛ دەتوانن لەنێو کۆمەڵگەدا گۆڕانکارى مەزن ئەنجامبدەن.
٢٩ / ١١ / ٢٠١٧
هەولێر _ کوردستان

كۆمێنتت له‌سه‌ر ئه‌م بابه‌ته‌